BIESOZY 14:11 - Mara Bible RV (BSI)

¹¹ Moleipa o cha paraopa châ aw ta, Adopa poh o deikua cha vânoh topa ta a y aw.

BIESOZY 14:11 ပူးပေါင်းရင်းမြစ်များ

ZAWBÂ 15:34

Khazohpa a pachâ leipa hlaozy cha choh ei ta, Panaopapana poh ozy cha mei ta a kâ tyh.

ZAWBÂ 18:21

Moleipazy pahrâna cha, cha hawhta châ aw ta, Khazohpa a pahno leipazy pahrâna su chhao, cha hawhta a châ aw,” tah ta.

ZAWBÂ 21:28

‘Khataih liata ma nôpawpa o cha a y? Moleipa pahrâna poh o cha khataih liata a y?’ nama tah.

ZAWBÂ 8:15

A o a hnieh ta, Châhrasala a o cha a duah thei leipa ta; A o cha a patu pâ ta, Châhrasala pachyu vei.

ZAWBÂ 8:22

Châ haotuhpazy cha nozana ta tobipa châ aw ei ta, Moleipazy cha ama poh o y khao aw vei,” tah ta.

ZAWBÂ 8:6

Pathaihpa nata adopa na châ khiahta cha, Na châta anosasy a pahra aw ta, Na y nawpa dopa liata a cha paduapathi heih aw.

HLAZY 128:3

Na lapinô cha kre zôh a pathei pha kawpa hawhta, Na o liata y aw ta; Na sawzy chhao ôli dawzy hawhta, Na tlâhkhai ama chadô aw.

HLAZY 37:10

Bohpi leipa liata, Moleipa cha y khao aw vei; A yna su a phapa ta moh hra la, Cha liata y khao aw vei.

BIESOZY 11:28

A hneirôna a ngâchhâpa cha pao aw ta, Mosiapa deikua cha sibiepa hrohpa hawhta a laiseih aw.

BIESOZY 12:7

Moleipazy cha thypa châ ei ta, y khao veih ei; Mosiapa pathlazy deikua cha amâ duah lymâ aw.

BIESOZY 15:25

Apalaipa o cha Abeipa ta parao ta, Nôhmei râhri deikua cha a pa-i tyh.

BIESOZY 21:12

Khazoh Siapa ta moleipa o cha mohpathli ta, Moleipazy cha raona lâta a thy tyh ei.

BIESOZY 21:20

Chyhsa sopa pahrâna liata cha ryu sôhpa nata sathaw y ta, Chyhsa hrupa deikua cha a palâ khai ha tyh.

BIESOZY 3:33

Abeipa chhiesana cha hmoparaopa­ o liata y ta, Mosiapa pahrâna deikua cha byhnâ a pie tyh.

ZEKARIA 5:4

“Chhiesana cha tuah aw na ta, parutuhpa o a ngia aw ta, haipa ta ei moh ta bie a taihpa ochhôh chhao â ngia aw. Ama o liata y aw ta, tho nata lô zydua a tlô khaina taihta a kâ khai aw,” Pheisaihzy Abeipa ta a tah.