BIESOZY 14:10 - Mara Bible RV (BSI)

¹⁰ Palôh cha ano ngâlâh ta a pasana pahno ta, Â lyna liata chhao khôtho chyhsa a lykheipa y veih ei.

BIESOZY 14:10 ပူးပေါင်းရင်းမြစ်များ

ÂTHAONA 42:21

Âmo nata âmo a chhohia ei ta, “Eima unawhpa chô liata eima hmotaopa vâta thailei eima châ ha tlai he zaw. Ngiachhie miah â haw ngâ nota a palôh nôpozie kha hmô thlâh ha pi ta, châhrasala eima nathlie khoh leipa kha. Chavâta he nôpona heta miah a tla thlu hih,” tah ei ta.

2 ABEIZY 4:27

Khazohpa chyhsa yna tlâh a tlô nahta, a phei patu ta. Kehâzi a vy ta, chanô cha parai awpa a chhuah ta. Châhrasala Khazohpa chyhsa ta, “Kheihta hmah tah khah y, a nô a po ngaita hih. Abeipa ta kei tawhta nyu chy ta, na chho mâh vei,” tah ta.

ZAWBÂ 10:1

“Ei hro he eina ai ngaita; Thata paphôh aw na ta, Ei palôh pasana ei reih tua aw.

ZAWBÂ 21:25

Chyhsa hropa deikua cha hro pachârôhpa ta thi ta, Phana rai padi beih leipa ta a thi haw.

ZAWBÂ 7:11

“Chavâta ei pakah he pakhâ aw va na; Ei thlahpa pachârôhpa ta bie reih aw na ta, Palôh pasapa ta ei paphôh aw.

ZAWBÂ 9:18

Huhnopa ta y na pasaih leipa ta, Ruchhôna ta eina pabie.

HLAZY 25:14

Abeipa aviasana cha ano a chituhpazy châta châ ta, A biehrai a pahnosa tyh ei.

BIESOZY 15:13

Palôh thaphapa ta hmia alyna tao ta, Palôh vâsâhna deikua cha thlahpa hro tha a pachhâ tyh.

BIESOZY 18:14

Palôh thatlôpa cha pasana tao thei ta, Palôh hmahphaopa deikua cha ahy ma a tao thei aw?

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

ZAWHÂNA 12:27

“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.

ZAWHÂNA 14:18

“Hârapa ta cha siesai aw veih ei na, nama hnohta ei vy heih aw.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

PHILIPI 4:7

Chatanachata Khazohpa thlalôhna, novâhna zydua hlâta sôh viapa ta nama palôh nata nama pachânazy cha Krista Zisu liata a cha vaipa lymâ aw ei.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.

1 SAMUELA 1:10

Hânâ cha a palôh pasa ngaita ta, Abeipa lâta thlahchhâ ta, thata cha ta.

1 SAMUELA 1:15

Hânâ ta, “Ei zibeipa y, pari va na, a thlahpa nô a popa chanô na ei châ. Kresawhti tlyma, sahma tlyma doh va na, Abeipa hmiakô liata ei hro ei palâhâhpa tlao a châ.