BIESOZY 13:8 - Mara Bible RV (BSI)

⁸ Chyhsa ta a sôh ta a hrona a chatlai ta, Sipasapa deikua cha pachhiparyna a tyh vei.

BIESOZY 13:8 ပူးပေါင်းရင်းမြစ်များ

2 ABEIZY 24:14

Zerusale khihsaw zydua, beimachâ zydua nata pasaipha zydua siekhei khai ta, sei 10,000 tlai a siekhei ei. Zôthaipa nata syudaihpa zydua chhao a siekhei khai ha ei. Chyhsa dyhchhie chaipazy tah leipa ta cha, râh liata ahy hmah y khao veih ei.

2 ABEIZY 25:12

Râh chyhsa dyhchhie chaipa thokhazy deikua cha, abei vaituhpazy hyutuhpa ta kre zôh mohôhtuhpa nata leipalietuhpazy châta a siesai ei.

ZAWBÂ 2:4

Sâtâ ta Abeipa cha a chhy ta, “Vo vyuhpa ta vo! Chyhsa ta a hrona châta a hneina zydua a pie pasaih aw.

PUASAINA 21:30

Ama chatlaisa khiahta cha, a luh ty chei awpa tupa zie a pie awpa a châ.

BIESOZY 13:7

Chyhsa pakha cha anosasyh hneirôhpa hawhta â tao ta, Châhrasala a hneipa y leipa ta; Chyhsa hropa ta sipasapa hawhta â tao ta, Châhrasala sôh hluhpi a hnei.

BIESOZY 13:9

Mosiapa khaihna cha khaih pha ta, Moleipa meiôh deikua cha pachhaipa a châ aw.

BIESOZY 14:24

Asopazy lakho cha hneirôna châ ta, Ahrupazy hruna deikua cha hruna dei a tlôkhei tyh.

BIESOZY 6:35

Achatlaina sôh a pyh leipa aw ta, Kuhria hluhpi pie hra la, A palôh châ hlei aw vei.

ZEREMIAH 39:10

Pheisaih hyutuhpa Nebuzarâdâ ta khâpa hmah a hnei leipa chyhsa sipasapa thokhazy cha, Zudâh râh liata siesai ta, kre sadôzy nata lyuzy a pie ei.

ZEREMIAH 41:8

Ama hry liata chyhsa pahrawhzy deikua ta Ismela hnohta, “Miah thie khah y. Lyuzy liata âtâ sâh, bâli sâh, sathaw nata kheihti hluhpi nyupa eima hnei,” tah ei ta. Chavâta âmo cha ama vaw sielâhpazy a thiena liata thie hra leipa ta a pahlôh ha ei.

ZEPHANIA 3:12

Nama hry liata nônaipa nata areisipazy deikua cha, Pahlôh aw ei na ta, Abeipa moh cha amâ bohna a châ aw.

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

LUKA 12:23

Hrona he niedo kyh dei châ leipa ta, pôhpa he a bu a sai kyh dei châ vei.