BIESOZY 13:6 - Mara Bible RV (BSI)

⁶ Siana ta adopa ta a ypazy hrôbieh ta, Moleina deikua cha moleipa a papao tyh.

BIESOZY 13:6 ပူးပေါင်းရင်းမြစ်များ

1 ABEIZY 1:52

Sawlawmaw ta, “Chyhsa ngâchhihpa a châpa a palâsa khiahta cha, a sâbu miakha chhao alei liata tla aw vei. Paraona ano liata hmôpa a châ khiahta deikua cha a thi aw,” tah ta.

1 ABEIZY 13:34

Cha hmo cha Zerôbaw pathlazy châta moleina vaw châ ha ta, âmo a pamuatuhpa nata khizaw tawhta âmo a pahleipadiatuhpa a vaw châ haw.

2 THÂTIHZYRONA 28:23

“Aramia khazohzy ta Aramia beizy ama baopa vâta, kei chhao eina bao thei nawpa ei ta, âmo lâta atheihna ei hlâ aw,” tah ta, ano a pahnietuhpa Dâmaskâ khazohzy lâta atheihna hlâ ta. Châhrasala cha cha ano nata Izarei zydua raona a châ.

HLAZY 119:1

Hrozie phapakipa chyhsazy cha nohlao ei ta, Abeipa ryhpa a chhihtuhpazy cha ama nohlao na!

HLAZY 140:11

Kyhchhie a reih thaipazy cha, Râh liata paduapa châ leipa ei sala; Thachahra a hmâhpa chyhsazy cha, Hmo pha leipa ta a chatliepa ta chadai ei sala pahlei mawh ei sy.

HLAZY 15:2

Seina hnei leipa ta hmo dopa a taopa, A palôh liata biedopa a reihpa;

HLAZY 25:21

Nâma châ hâpa ei châpa vâta, Adona nata ngâchhihna ta na pabohsa mawh sy.

HLAZY 26:1

Hy Abeipa, ei dona hrokhei na ta, Tleisai leipa ta Abeipa ei ngâ hapa vâta, Thai na pachâsa mah y.

BIESOZY 10:29

Abeipa china cha seina hnei leipa châta a thokhy châ ta, Moleina hmo a taotuhpazy châta deikua cha raona a châ.

BIESOZY 11:20

Palôh akopazy cha Abeipa châta pasichhihpa châ ei ta, Seina hnei leipazy hrozie deikua cha â lyna a châ tyh.

BIESOZY 11:3

Chyhsa dopazy cha amâ dona ta âmo chhihtha ta, Piehpiepazy deikua cha âmo zietiahna ta a pahleipadia tyh ei.

BIESOZY 21:12

Khazoh Siapa ta moleipa o cha mohpathli ta, Moleipazy cha raona lâta a thy tyh ei.

BIESOZY 5:22

Hmoparaopa cha a paraona khoheih liata a ao aw ta, A moleina chaori ta â ipa ta a chahry aw.