nâmo châ dyuh awpa ta Abeipa ta a vaw tua awpa nama chariahzy cha, nodidâhphina, thluahruana nata ato phahlana chôta chakao aw ei chi ta, a cha pahleipadia khai hlâlei ei cha, nama rao liata thua raopaky a cha paky aw ei.
Nodipa ta thi aw ei ta, Potlana rarôh ypa ta palâ khai aw ei ta, Hriiah chichhihpazy ta a palâ khai aw ei. Râhsa naoh seihpa zy âmo lâ tuah aw na ta, Dohlei liata alyhpa châmaih hneipa sazy âmo lâ ei tuah aw.
Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.
Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.