24 Sôsi a hmâh khoh leipa cha a sawchapawpa a haopa châ ta, A kyh a pachâpa deikua cha thlai a chhorei tyh.
Na sawchapawpa cha chhorei teh, Hnabeiseihna a y lah y; A leidia thlâh ha awpa ta pachâ khah y.
Hawtipa palôh liata hruna a bai ha ta, Sôsi ta chhoreina ta hruna cha lâhla lâ â chadai pai aw.
Sôsi nata rana ta sona pie ta, Ano y ta paysapa hawti deikua cha, A nô châta nozana a tlôkhei tyh.
Na sawchapawpa cha chhorei la, Thlalôhpa ta cha paysa aw ta; Palôh lyna a cha pie aw.
Paw ta sawchapaw â lypa a rapa hawhta, Abeipa chhao ta a kyhpachâpa cha a ra tyh.
Nâ hmô leipa deikua cha anosasyh ta hmah a paphao ta, Nâ haopa zydua chhao thina kyh a pachâpa ama châ.”
“Ahy rai ei hnohta a vy khohpa cha, a paw, a nô, a lapinô, a sawzy, a unawhzy, a sietanôzy nata ano hrona tlai chhao â hao vei khiahta cha, ei pachupa châ thei aw vei.
Chyhsa ta a sawchapawpa a chhoreipa hawhta, Abeipa nama Khazohpa ta a cha chhorei ei tahpa nama palôh ta pahno thlâh ha mawh sy.