BIESOZY 13:2 - Mara Bible RV (BSI)

² A pakah thei tawhta chyhsa ta hmo phapa nie aw ta, Nôchhiepa khona deikua cha atudaina a châ tyh.

BIESOZY 13:2 ပူးပေါင်းရင်းမြစ်များ

HLAZY 140:11

Kyhchhie a reih thaipazy cha, Râh liata paduapa châ leipa ei sala; Thachahra a hmâhpa chyhsazy cha, Hmo pha leipa ta a chatliepa ta chadai ei sala pahlei mawh ei sy.

HLAZY 75:8

Abeipa ku liata cha, Kresawhti pahâhpa nyu a y; Kresawhti cha a buchaphy pua ngâ ta, Abeipa ta patlai ta, Khizaw liata moleipa zydua ta doh ei ta, A chaopahrâ taihta ama doh khai haw.

BIESOZY 1:18

He chyhsazy heta âmo thisaih a byh ei ta, Âmo hrona amâ byh.

BIESOZY 1:31

Âmo yzie thei nie aw ei ta, Âmo hmotaopazy ta lôhrâ amâ patlô aw.

BIESOZY 10:11

Mosiapa pakah cha hrona tihnawh châ ta, Moleipa pakah deikua cha nôchhiena ta a pahly.

BIESOZY 11:23

Mosiapa khopa cha phana ta chhâ tyh ta, Moleipa saduthliena deikua cha hiehâhna ta a chhâ tyh.

BIESOZY 12:14

Chyhsa cha a reikah thei tawhta hmo phapa ta a lôhrâ patlô ta, Ano ku hmotaopa tlai ta ano lâ a vaw lie thlu heih tyh.

BIESOZY 18:20

Chyhsa pakah thei ta a rih pabie ta, A hmao kôvei ta lôhrâtlôpa ta a y.

BIESOZY 18:21

Paleih hmotaotheina liata thina nata hrona y ta, A pasôtuhpazy ta a theizy ama nie aw.

BIESOZY 4:17

Paraona viahchhâ nie ei ta, Nôchhiena kresawhti ama doh tyh.

HÔSIA 10:13

Nâma pachâna liata a pahnieh chi ta, Pasaipha hluhpi na hneipa na ngâpa vâta, Moleina lei paliepa ta, Adoleina sâh hria chi ta, Haiphiana theilâpa na nie.

HABAKU 2:17

Lebanaw chô liata Thachahra na hmâpa khata Cha chhei palie aw ta, Sazy na pahleipadiapa khata Na thlah a cha pazo aw. Chyhsa thisaih palopa ta Chhaohlei taochhie chi ta, Khihpizy nata a chhôh liata pahrâpa zydua Na paraopa kha ta a cha chhei palie aw.

HABAKU 2:8

Râh hluhpi hrao chi ta, Chyhsa thisaih palopa ta chhaohlei taochhie chi ta, Khihpizy nata a chhôh liata pahrâpa zydua na paraopa vâta, Phopi laibâhpazy ta ama cha hrao hra aw.

BIEPHUAH 16:6

Mopathaihpazy nata hrohsopazy thisaih palo ei ta, Thisaih lilaw na padosa ha ei; Amâ phuhpa rai a châ!” a tahpa thei na ta.