BIESOZY 13:17 - Mara Bible RV (BSI)

¹⁷ Lyuhchâpa moleipa cha tymâna a tyh ta, Vyuhtuapa ngâchhihpa deikua cha tlâhna a tlôkhei tyh.

BIESOZY 13:17 ပူးပေါင်းရင်းမြစ်များ

BIESOZY 10:26

Hâh châta kresawhti thaopa nata mo châta meikhuh hawhta, Thathipa chhao ano a tuahtuhpa châta a châ.

BIESOZY 13:18

Pachuna a khoh leipa cha dyhchhiena nata nohzaona ta tlô thlu aw ta, Rana a pyhpa deikua cha palyupalihpa a châ tyh.

BIESOZY 25:13

A tuahtuhpa châta lyuhchâpa ngâchhihpa cha, Sâh hria daihti liata dâhaw chakuapa hawhta châ ta, A zibeipazy hro a palysa tyh.

BIESOZY 25:23

Maw thlih ta vâsua vaw tlôkhei ta, Kyh rei a hmâhpa paleih ta hiehâhna hmia a tlôkhei.

BIESOZY 26:6

Ahrupa ku liata bietapa a paphaopa cha, Ano phei tai pachhô ta atudaina ti a dohpa a châ.

ZEREMIAH 23:28

Mâsapa a hneipa hrohsopa ta a mâsapa cha reih sala, ei bie a hneipa ta ei bie cha ngâchhihpa ta reih mawh sy. Sâh kô nata sâh hmô zy khâpa alyuna ma ama hnei?” Abeipa ta a tah.

EZEKIA 3:18

Moleipa hnohta, ‘Na thi tlai awpa a châ,’ ei tah tita, cha moleipa cha a hrona pabohsa awpa ta zikyu a râ leipa la, a moleina lâpi siesai awpa ta chho hra leipa la, a paraona vâta a thi khiahta cha, a thisaih maoh na phaoh aw.

MALUHREINA 31:8

Midia beizy chhao, ama chyhsa thiepazy hry liata thie pâ hra ei ta, Midia bei papangawh, Ivi, Reke, Zuri, Hurâ nata Rebâ nata Beô sawchapawpa Bâlâma chhao zaozi ta ama thie haw.

1 KAWRINI 4:2

Cha dei châ vei, mokhâhtuhpa cha chyhsa ngâchhihpa a châ awpa a byuh.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

1 TIMAWTHY 1:12

Ngâchhihpa ta na pachâ ta, ano chakao awpa ta na rao ta, thatlôna nâ pietuhpa eima Beipa Krista Zisu hnohta alyna bie ei reih.

2 TIMAWTHY 2:2

Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.