BIESOZY 13:10 - Mara Bible RV (BSI)

¹⁰ Apatahsana cha ahryuna dei papua ta, Pachâna a latuhpazy deikua cha sona ama hmô tyh.

BIESOZY 13:10 ပူးပေါင်းရင်းမြစ်များ

1 ABEIZY 12:16

Abei ta ama bie nathlie khoh vei tahpa Izarei saw zydua ta ama hmô nahta, zawpi ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi! Hy Izarei, nama poh o chyu lâ a di teh u; Nâ Davi, na chhôhkha tlâ pachâ teh,” tahpa ta abei cha a chhy ei ta, Izarei sawzy cha ama poh o lâ chyu a di ha ei ta.

2 ABEIZY 14:10

Edômâ cha pahnie ha tlai chi ta, chavâta na palôh a lai kaw bâ he. Na rônahna liata na palôh tlâh sala, o liata tlao y molo mah y. Khazia tymâna taopa ta, nâma paona liata Zudâh chhao na paokhei aw?” tah ta.

BIESOZY 13:11

Dôveina ta sôh hmôpa cha pai aw ta, Hriapasana ta hmôpa deikua cha a pôh aw.

BIESOZY 13:9

Mosiapa khaihna cha khaih pha ta, Moleipa meiôh deikua cha pachhaipa a châ aw.

BIESOZY 17:14

Ahryuna athaona cha ti pasapa hawhta châ ta, Chavâta ahryuna a pua hlâta a hneisai ha mah y.

BIESOZY 19:20

Pasopakâna bie nathlie la pachuna a pyh mah y, Achhâna liata sona na hmô aw.

BIESOZY 20:18

Achhuahna cha ryureina ta a pa-i awpa châ ta, Hrâsie awpa chhao pasopakâna sopa ta tao awpa a châ.

BIESOZY 21:24

Akhotlâhpa nata apatahsapa moh cha “Mohnaotuh” châ ta, Apalaina nata atahtheina ta hmo a tao tyhpa a châ.

BIESOZY 25:8

Ryureina liata chyhsa leih awpa a para khah y, A chhâna lâta na vaih ta maoh cha paphyuh aw ta, Tao awpa pahno leipa ta na y pathlei aw na.

BIESOZY 28:25

Karâypa chyhsa cha ahryuna pathyu ta, Abeipa a ngâtuhpa deikua cha pathawhsapa a châ aw.

LUKA 22:24

Ama hry liata ahy ma rônah chaipa ta pachâ awpa a châ tahpa kyh liata, pachupazy hry liata a eichhiana vaw pua ta.

1 TIMAWTHY 6:4

apalaina ta a biepa châ ta, khâpa hmah a pahno leipa a châ. Aeichhiana nata ahryusina a y thei awpa biezy hrukhei ei ta, chazy chata uahvana, atudaina, reipachhiena nata ngâleina hmo pha leipazy a paysa tyh.

ZÂMIE 4:1

Nama hry liata adyuhna nata ahryunazy he khâpa tawhta a pua tyhpa ma a châ? Nama aohraohnazy vâta nama pôhpa pachiahpazy liata adyuhna a tao tyhpa châ vei ma?

RYUREITUHPAZY 19:30

A vaw hmôpa zydua ta, “Izarei sawzy Izi râh tawhta ama kaw pua noh tawhta tanoh taihta, he hawhpa hmo he tlô beih leipa ta, hmô beihpa châ hra vei. Pachâ u la, ryhrao u la, reihpahmaoh teh u,” tah ei ta.