BIESOZY 12:4 - Mara Bible RV (BSI)

⁴ Chanô phapa cha a vahpa châta lakho châ ta, Nozana a vaw tlôkheipa chanô deikua cha, A vahpa ru a pahmytuhpa a châ.

BIESOZY 12:4 ပူးပေါင်းရင်းမြစ်များ

BIESOZY 11:22

Chanô chhithaipa pachâna a hnei leipa cha, Vao hmaothy liata ngôh rahy pataohpa hawhta a châ.

BIESOZY 12:5

Mosiapa pachânazy cha a do ta, Moleipa ryhraona deikua cha dôveina a châ.

BIESOZY 14:1

Chanô sopa cha a o sa ta, Chanô hrupa deikua cha ano ku tlai ta a o a parao.

BIESOZY 14:30

Palôh alyna cha sapa tlâhna châ ta, Hiatliana deikua cha ru hmyna a châ.

BIESOZY 18:22

Lapinô a hmôpa cha hmo phapa a hmôpa châ ta, Abeipa khokheina a totuhpa a châ.

BIESOZY 21:19

Chanô paphôhthaipa nata pathichhiepa pahrâ lâhpa hlâta la, Râhchawhpa liata pahrâpa a pha via.

BIESOZY 21:9

A hryu nawpa sai a tlua thlâh hapa lapinô nata o laipa liata y khohpa hlâta la, Vâphuh chaki liata ypa a pha via.

BIESOZY 30:23

Chanô khochhih leipa ta vahpa a hnei tita nata Seichanô ta a zibeinô su â thla tita alei â chalyu tyh.

BIESOZY 31:29

“Chanô hluhpi tao pha kaw sai ei ta, Châhrasala na ly khai ha ei,” a tah.

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

1 KAWRINI 11:11

Abeipa liata deikua cha, chanô cha chapaw a hlao leipa ta y thei leipa ta, chapaw chhao chanô a hlao leipa ta y thei vei.

1 KAWRINI 11:7

Chapaw cha Khazohpa lyupa nata Khazohpa rônahna a châpa vâta, a luh â khu awpa châ vei. Chanô deikua cha chapaw rônahna a châ.

RUTHI 3:11

Chavâta ei saw­chanô y, chi khah y, na reipa zydua cha na châta ei tao aw, eima khih chyhsa zydua ta chanô sia ngaitapa na châzie ama pahno khai.