BIESOZY 12:3 - Mara Bible RV (BSI)

³ Moleina hmo taona tawhta ahy hmah a duah leipa ei ta, Mosiapa thari deikua cha phiapa châ aw vei.

BIESOZY 12:3 ပူးပေါင်းရင်းမြစ်များ

ZAWBÂ 15:29

Hneirôh khao leipa aw ta, A dyhphana y ngâ thlâh ha leipa aw ta, A hneina ta râh tlai aw vei.

HLAZY 15:5

A pôhna chhaota a sôh dyu a pacheisa leipa, Moleina a hnei leipa thailei pachâsa nawpa ta panaopapana a la leipa; Chazy chata na poh o liata tlôh aw ei ta, Na tlâh pathaihpa liata ama pahrâ aw. Cha hmozy a taotuhpa cha a chalyu beih aw vei.

BIESOZY 10:25

Khisô vaw pathli ta, Moleipa y khao leipa ta, Mosiapa deikua cha chhâzaw lôbô a châ.

BIESOZY 11:5

Phapakipa cha a siana ta a lâpi patlâsa ta, Moleipa deikua cha ano moleina ta a pao tyh.

BIESOZY 12:12

Moleipa cha hmoparaopa hraona sôh uahva ta, Mosiapa thari deikua cha a pathei aw.

BIECHHOTUHPA 8:8

Ahy hmahta husona patu theina hmotaotheina hnei leipa ei ta, thina noh chô liata bie a hnei theipa y hra veih ei. Adyuhna a y ngâ nota cha, ahy hmahta a pheisaih rai pahâsa thaipa a châ leipa hawhta, moleina ta moleina a taotuhpazy cha papua aw vei.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

KAOLAOSÂ 2:7

ano liata thari thlapa ta a duah u la, pachuna nama daopa hawhna khata ngiapâna liata â i ngaitapa ta ypa ta, alyna bie reih tyh muh vy.

1 SAMUELA 25:33

Hmo na pahno thaina he thlaochhina châ sala, thisaih palopa thaileichâna tawhta nata keima ku ta phuh la awpa tawhta nâ pabohsatuhpa nâma chhao vânoh topa ta y mah y!