BIESOZY 12:18 - Mara Bible RV (BSI)

¹⁸ Zaozi chhôpa hawhta pasapa ta bie a reihpa y ei ta, Asopa paleih deikua cha tlâhna a châ tyh.

BIESOZY 12:18 ပူးပေါင်းရင်းမြစ်များ

HLAZY 52:2

Nâ, dôveina rai a hriatuhpa, Na paleih ta raona patohpatia ta, Na paleih cha chaidâh tiahpa hawhta a châ.

HLAZY 57:4

Ei hrona he chakeibarôhneipazy hry liata y ta, Sahrâhpazy hry liata a zia na ta; Asei nata châtai hâh hnei ta, Zaozi tiahpa paleih a hneipa chyhsa sawzy hry liata ei y.

HLAZY 57:5

Hy Khazohpa, avâzy chô lâta cheihchalopa ta y la, Na rônahna ta leilô zydua bie mawh sy!

HLAZY 59:7

Moh teh u, ama pakah ta pa-ua ei ta, Ama hmaozy liata zaozi y ta, “Ahy miah a thei aw?” ama tah tyh.

HLAZY 64:3

Chazy chata zaozi hawhta ama paleih chata ei ta, Châtai hawhta bie khapazy ta ama mopâ.

BIESOZY 12:17

Pahnokheituh ngâchhihpa cha biedopa reih ta, Pahnokheituh pakheipa deikua cha haipa bie a reih tyh.

BIESOZY 13:17

Lyuhchâpa moleipa cha tymâna a tyh ta, Vyuhtuapa ngâchhihpa deikua cha tlâhna a tlôkhei tyh.

BIESOZY 15:4

Paleih naipa cha hrona tho châ ta, Paleih haiphiahpa deikua cha palôh a pakeichheih tyh.

BIESOZY 15:7

Asopazy hmao cha pahnona hiepatla ta, Ahrupazy palôh deikua cha cha hawhta châ vei.

BIESOZY 16:24

Bie phapa cha kheihthlawh hawh châ ta, Hro châta thlôh ta, ru châta hnatlâna a châ.

BIESOZY 25:18

A vaih chô liata pahnokheituhpa pakheipa ta a ypa chyhsa cha, Byuthô, zaozi nata châtai tiahpa hawhta a châ.

BIESOZY 4:22

Sona nata novâhna cha a hmôtuhpazy châta hrona châ ta, Ama sapa zydua châta tlâhna a châ.

DÂNIAH 11:33

Zawpi hry liata chyhsa sopazy ta, chyhsa hluhpi pachu aw ei ta, châhrasala noh hluhpi chhôh cha zaozi ta tlyma, meipaleih ta tlyma, sei châna ta tlyma, hraona ta tlyma chyhsa hluhpi ama pao aw.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 22:2

Khihpi lâlai liah liata loh ta. Chavah ngiahkâ chavei chachâh ta, thei chi hrawh hleino a hneipa, thla chareih ta a patheipa hrona tho pyuh ta. Thohnazy cha phopizy tlâh nawpa a châ.