BIESOZY 12:16 - Mara Bible RV (BSI)

¹⁶ Ahrupa cha a ruchhôna thlai a lâ tyh ta, Asopa deikua cha hmia pachhiena pahno lei â pachâ tyh.

BIESOZY 12:16 ပူးပေါင်းရင်းမြစ်များ

ZAWBÂ 5:2

Ruchhôna ta ahrupa thie ta, Hiatliana ta angâpa a patlaopâ tyh.

BIESOZY 10:12

Ahaona ta ahryuna papua ta, Kyhpachâna deikua cha paraona zydua a khu tyh.

BIESOZY 12:17

Pahnokheituh ngâchhihpa cha biedopa reih ta, Pahnokheituh pakheipa deikua cha haipa bie a reih tyh.

BIESOZY 14:33

Novâhpa palôh liata cha sona a chalih thlâh ha ta, Ahrupazy hry liata deikua cha â chaluah lymâ.

BIESOZY 16:22

Novâhna cha a hneituhpa châta hrona tihnawh châ ta, Hruna deikua cha ahrupazy châta hriena a châ.

BIESOZY 17:9

Kyhpachâna a tluapa cha, Paraona a khupa châ ta; Paraona a reih chanei ngâ thlâh hapa deikua cha, Viasazy a pachhaih tyh.

BIESOZY 25:28

Anosasyh â pahnie leipa chyhsa cha, Khihpi chopa thokhy a hnei leipa hawhta a châ.

BIESOZY 27:3

Alô cha a hri ta, Sadi chhao â hri; Châhrasala ahrupa ta chyhsa a patypamâpa cha, Cha miano hlâta â hri via.

BIESOZY 29:11

Ahrupa cha a hiehâhna zydua reih papua ta, Asopa deikua cha nyu ta â chalihkhei tyh.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.