BIESOZY 11:4 - Mara Bible RV (BSI)

⁴ Hiehâhna noh liata cha, Hneirôna ta phahnaina hnei khao leipa ta; Siana deikua ta cha, Thina tawhta a pachha tyh.

BIESOZY 11:4 ပူးပေါင်းရင်းမြစ်များ

ÂTHAONA 7:1

Chatawhcha Abeipa ta Nôah hnohta, “Nâma nata na chhôhkha zydua balyh liata a ngia teh u. He chhâ liata nâma deita he ei hmiakô liata chyhsa siapa a y chhôhpa na châ.

ZAWBÂ 20:28

Tisaih ta a o ly aw ta, Khazohpa pathiiana no liata a phaoh pathlah ha aw.

BIESOZY 10:2

Moleina ta sôh hmôpa cha athôhna y leipa ta, Siana deikua cha thina tawhta a pachha tyh.

BIESOZY 12:28

Siana lâpi liata hrona y ta, Cha lâthlôh liata cha thina y vei.

BIESOZY 6:34

Chanô vahpa cha hiatliana vâta a hie thata hâ aw ta, Phuh a lana noh liata ngiachhiena hnei aw vei.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

EZEKIA 14:14

chyhsa pathôh, Nôah, Dâniah nata Zawbâ zy hmahta râh chhôh liata y hra ei sala, ama siana vâta âmo hrona deita ama pachha thei aw, Abeipa Zehôvâh ta a tah.

EZEKIA 7:19

Ama tâkâzy khiliah liata thy aw ei ta, ama ngôhzy chhao, hmo pathaih leipa hawhta a châ aw. Ama tâkâ nata ngôhzy ta Abeipa hiehâhna noh liata âmo pachha thei aw vei. Ama nodi papai thei leipa aw ta, ama py pabie aw vei. Tâkâ nata ngôh cha, moleina liata ama pao nawpa lâta âmo â chhi tyhpa deita a châ.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

RAWMA 5:17

Chyhsa pakha moleina vâta, cha chyhsa pakha vâta hmahta thina ta ryu a reih khiahta cha, chyhsa pakha, Zisu Krista vâta ngiachhiena hluh ngaitapa nata siana hmosaipiepa a daotuhpazy chhochhi ta cha, hrona liata ryu ama reih tlai aw.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.