BIESOZY 11:31 - Mara Bible RV (BSI)

³¹ Mosiapa hmahta alei liata viarithôpa ama châ khiahta cha, Moleipa nata hmoparaopa chhochhi cha, Khatlu ta pasa viapa ta viarithôpa ma ama châ aw tly!

BIESOZY 11:31 ပူးပေါင်းရင်းမြစ်များ

2 SAMUELA 22:21

“Ei sianazie hawhta Abeipa ta ei chô liata tao ta, Ei ku pathaihnazie hawhta lymâ eina pie.

2 SAMUELA 22:25

Chavâta Abeipa ta ei sianazie hawhta lymâ na pie ta, A mohmô liata ei pathaihnazie hawhta lymâ eina pie.

1 ABEIZY 13:24

Khazohpa chyhsa cha sie ta, lâpi liata chakeibarôhneipa ta vaw y khâh ta, siesao ha ta. A ri cha lâpi liata a thy thlâh ha ta, alâ cha a kiapâh liata a duah ta, chakeibarôhneipa chhao cha a ri kiapâh liata a duah thlâh ha hra ta.

BIESOZY 12:1

Chhoreina a pasôpa cha pahnona a pasôpa châ ta, Rana a haopa deikua cha râhsa hawhpa a châ.

BIESOZY 13:21

Moleipazy cha chhiena ta chadai ei ta, Mosiapazy deikua cha phana ama hmô tyh.

BIESOZY 26:10

Ahrupa nata a khiekhâ a pahâhpa rai pahriasapa cha, Likathaipa ta chyhsa to hmah a paphaopa hawhta a châ.

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ZEREMIAH 25:29

Moh teh u, ei moh a phaohpa khihpi chô liata chhiena patlôsa pathao ha na ta, hrie leipa ta nama y aw ma? Alei liata a pahrâpa zydua a dyuh awpa ta zaozi aw ha na ta, chavâta hrie leipa ta y aw veih ei chi,’” Pheisaihzy Abeipa ta a tah.

EZEKIA 44:10

Izarei a sie chhei nota, na tleisai ei ta, ama khazoh nothlahpazy pazipa ta, kei tawhta lâ hlapi lâta a sie hapa Livai chizy chhao ama paraona maoh ama phaoh aw.

HÔSIA 4:9

Zawpi nata theihthaipa amâ lyu khai; Ama hrozie vâta hrie aw ei na ta, Ama hmotaopazy viari ei thô aw ei.