BIESOZY 11:3 - Mara Bible RV (BSI)

³ Chyhsa dopazy cha amâ dona ta âmo chhihtha ta, Piehpiepazy deikua cha âmo zietiahna ta a pahleipadia tyh ei.

BIESOZY 11:3 ပူးပေါင်းရင်းမြစ်များ

HLAZY 25:21

Nâma châ hâpa ei châpa vâta, Adona nata ngâchhihna ta na pabohsa mawh sy.

HLAZY 26:1

Hy Abeipa, ei dona hrokhei na ta, Tleisai leipa ta Abeipa ei ngâ hapa vâta, Thai na pachâsa mah y.

BIESOZY 11:5

Phapakipa cha a siana ta a lâpi patlâsa ta, Moleipa deikua cha ano moleina ta a pao tyh.

BIESOZY 13:6

Siana ta adopa ta a ypazy hrôbieh ta, Moleina deikua cha moleipa a papao tyh.

BIESOZY 19:3

Chyhsa ta ano hruna vâta a lâpi a raopa tlai cha, Abeipa chô liata palôh ruchhôna a hnei tyh.

BIESOZY 2:22

Hmoparaopazy deikua cha râh tawhta chhawh pathlahpa châ aw ei ta, Piehpiepazy cha râh tawhta phiapa ama châ aw.

BIESOZY 21:7

Moleipazy cha adona ama tao khoh leipa vâta, Âmo nôchhiena ta a phi pathlah aw ei.

BIESOZY 22:12

Abeipa mo ta pahnona a hneipa chyhsa cha mokhâh ta, Piehpiepa bie deikua cha a thy pathlah tyh.

BIESOZY 28:18

Adona ta a hrohpa cha pachhapa châ aw ta, A hroziezy adoleipa deikua cha eikhapi ta a pao aw.

BIECHHOTUHPA 7:17

Molei tupa ta y leipa la, hru hra khah y. Khazia na chhâ a palo leipa ta na thi aw?

ISAI 1:28

Hmoparaopazy nata moleipazy deikua cha, Hmaohkha ta pahleipadiapa châ aw ei ta, Abeipa a siesaipazy chhao ama leidia aw.

MALUHREINA 31:8

Midia beizy chhao, ama chyhsa thiepazy hry liata thie pâ hra ei ta, Midia bei papangawh, Ivi, Reke, Zuri, Hurâ nata Rebâ nata Beô sawchapawpa Bâlâma chhao zaozi ta ama thie haw.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.