BIESOZY 11:29 - Mara Bible RV (BSI)

²⁹ Ano chhôhkha a patypamâtuhpa cha ziza ryu to aw ta, Ahrupa cha palôh sopa chakaotuhpa a châ aw.

BIESOZY 11:29 ပူးပေါင်းရင်းမြစ်များ

ÂTHAONA 34:30

Zakaw ta Simeôna nata Livai hnohta, “Nâmo vâta rairuna ei tyh ha hih. Râh liata a pahrâpa, Kâna mo nata Perizi mo hmia liata ei roh nama pachhie haw. Kei cha chyhsa chyhta dei ei hnei hih. A awpakhy ei sala, einâ dyuh khiah ei ta cha, kei nata ei o liata a ypa zydua pahleipadiapa eima châ aw,” tah ta.

BIESOZY 14:19

Chyhsa chhiepazy cha chyhsa phapazy hmiakô liata panawhsapa châ ei ta, Moleipazy chhao mosiapazy chhikao liata panawhsapa ama châ.

BIESOZY 15:27

Athôhna doleipa hmô khohpa ta karâypa chyhsa cha, A chhôhkha châta tymâna tlôkhei ta; Panaopapana a haopa deikua cha, A hro a pareih aw.

BIECHHOTUHPA 5:16

He chhao he hmo pha lei ngaitapa a châ: a vaw tlô no hawhna khata a sie heih aw. Thlih châta hriapasapa dei châ ta, a châta khâpa athôhna ma a hnei?

HÔSIA 8:7

Ziza chi tu ei ta, Khisô tlao ama hria aw. Sâh kô a suh leipa ta a duah ta, Viahdie papua aw vei. Sâh hria awpa a ypa chhao ta, Chihropazy ta ama nie aw.

1 SAMUELA 25:17

Chavâta he hmo he tahmâ pahno la, khâpa na tao aw, pakhâta ta pachâ mah y. Eima zibeipa chô liata nata a o liata a ypa zydua chô liata chhiena a vaw tlô ha bâ hih. Eima zibeipa hra he, chyhsa chhiepa, ahy hmahta bie amâ chho thei leipa chyhsa châ tlôh ta,” tah ta.

1 SAMUELA 25:3

Cha chyhsa moh cha Nâbâ châ ta, a lapinô moh cha Abikai a châ. Ano cha chanô so ngaitapa nata hmipha ngaitapa châ ta, a vahpa deikua cha nôchhiepa nata chyhsa moleipa a châ. Nâbâ he Kâlebâ pathla a châ.

1 SAMUELA 25:38

Noh hrawh khai tawhta, Abeipa ta Nâbâ chô liata a ku pathla ta, thi ha ta.