BIESOZY 11:19 - Mara Bible RV (BSI)

¹⁹ Siana liata â ipa ta a duahpa cha hrona to aw ta, Moleina hmo a chadaituhpa deikua cha a thi aw.

BIESOZY 11:19 ပူးပေါင်းရင်းမြစ်များ

2 ABEIZY 1:16

Elaizâh ta abei hnohta, “Abeipa ta hetana heta a tah: ‘A bie a saohiah awpa Khazohpa Izarei râh liata a y khao leipa ma a châ haw? Khazia Ekaraw khih khazoh Bâlâzebu a saohiah awpa ta lyuhchâpazy na tua? Chavâta rakhô na kiapa tawhta chô khao aw va chi, na thi tlai aw,’” tah ta.

2 ABEIZY 1:4

Chavâta Abeipa ta hetana heta a tah, rakhô na kiapa tawhta chô khao aw va chi, na thi tlai aw,’ tah mah y,” tah ta. Chatanachata Elaizâh cha sie ta.

BIESOZY 10:16

Mosiapa hriapasana cha hrona tlôkhei ta, Moleipa athôhna deikua cha paraona a tlôkhei tyh.

BIESOZY 11:4

Hiehâhna noh liata cha, Hneirôna ta phahnaina hnei khao leipa ta; Siana deikua ta cha, Thina tawhta a pachha tyh.

BIESOZY 12:28

Siana lâpi liata hrona y ta, Cha lâthlôh liata cha thina y vei.

BIESOZY 19:23

Abeipa china cha hrona tlôkhei ta, A hneipa maih palôh pahâ kawpa ta a pahâ ei ta, Chhiena ta âmo cha tly aw vei.

BIESOZY 21:16

Sona lâpi a tleisaipa cha, Athipazy ypakhyna liata â pahâ aw.

BIESOZY 21:21

Siana nata ngâchhihna a chadaipa cha, Hrona, siana nata zana a hmô aw.

BIESOZY 8:36

Nâ hmô leipa deikua cha anosasyh ta hmah a paphao ta, Nâ haopa zydua chhao thina kyh a pachâpa ama châ.”

HMOTAOPAZY 10:35

Phopi to hry liata ahy rai ano a chipa nata hmo dopa a taopa maih cha Khazohpa ta â ly khai ei.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

RYHPACHANEINA 16:20

Nama hro thei nawpa nata Abeipa nama Khazohpa ta râh a cha piepa ei cha ryu ta nama to thei nawpa ta, adona, adona deita nama zi awpa a châ.

ZÂMIE 1:15

Aohraohna ta saw phaoh ta, moleina sa ta, moleina cha a vaw pitloh nahta, thina a tlôkhei tyh.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.