BIESOZY 10:8 - Mara Bible RV (BSI)

⁸ Palôh sopa cha biepiepazy a pyh ta, Ahrupa reikah hluhpa deikua cha a pao aw.

BIESOZY 10:8 ပူးပေါင်းရင်းမြစ်များ

HLAZY 119:34

Novâhna na pie mah y; Chatanachata na ryhpa zyh aw na ta, Ei palôh tlokhuh ta ei zyh aw.

BIESOZY 1:5

Asopazy ta theipa ta ama pahnona a pôh via nawpa ta, Novâhpazy ta pasopakâna bie ama dao thei nawpa ta,

BIESOZY 10:10

Chyhsa a mopasihpa cha nôpona tlôkhei ta, Ahrupa reikah hluhpa chhao a pao aw.

BIESOZY 10:14

Asopa cha pahnona pachô ta, Ahrupa pakah deikua cha raona a pahniasa tyh.

BIESOZY 12:1

Chhoreina a pasôpa cha pahnona a pasôpa châ ta, Rana a haopa deikua cha râhsa hawhpa a châ.

BIESOZY 12:13

Moleipa cha ano hmao paraona liata a ao ta, Mosiapa deikua cha tymâna a khôkhâh tyh.

BIESOZY 13:3

A pakah a sohsi theipa cha a hro pabohsa ta, A hmao a kawhpa deikua cha a hro a rao tyh.

BIESOZY 14:23

Hriapasana to liata athôhna y ta, Reih hluh thlâhthlipa deikua cha dyhchhiena a tlôkhei.

BIESOZY 14:8

Asopa sona cha a sie nawpa lâpi pahnosa ta, Ahrupazy hruna deikua cha dôveina a châ.

BIESOZY 9:8

Akhotlâh kawpa chyhsa la ra hlei khah y, A châ hao pathlei aw na; Chyhsa sopa ra la, Kyh a cha pachâ aw.

BIESOZY 9:9

Chyhsa sopa cha pachu la, So via rili aw ta; Chyhsa siapa chhao na pachu khiahta cha, A thaina a pôh rili aw.

BIECHHOTUHPA 10:12

Asopa cha a pakah biezy ta ngiachhiena pahlaosa ta, Ahrupa hmao deikua cha ano a palâtuhpa a châ.

ZÂMIE 3:13

Nama hry liata ahy ma asopa nata novâhpa a y? A reisi ngaitapa nata so ngaitapa ta, a hmotaopazy cha hrozie phapa ta pamosa mawh sy.