BIESOZY 10:29 - Mara Bible RV (BSI)

²⁹ Abeipa china cha seina hnei leipa châta a thokhy châ ta, Moleina hmo a taotuhpazy châta deikua cha raona a châ.

BIESOZY 10:29 ပူးပေါင်းရင်းမြစ်များ

ZAWBÂ 31:3

Chhiena cha sialeipazy châta châ ta, Raona cha moleipazy châta châ vei ma?

HLAZY 1:6

Abeipa ta mosiapazy lâpi cha pahno ta, Hmoparaopazy lâpi deikua cha a leidia aw.

HLAZY 36:12

Cha liata hmoparaopazy paopa ta a zawh ei ta, Chati pathlahpa ta y ei ta, Thyu thei khao veih ei.

HLAZY 37:20

Moleipazy deikua cha leidia aw ei ta, Abeipa chariahpazy chhao sibiepa hawh dei ama châ aw; Leidia aw ei ta, Meikhuh hawhta ama pai aw.

HLAZY 84:7

Sie ei ta ama thatlô via rili ta, Zaio liata Khazohpa hnohta amâ luah hlâlei ama sie lymâ.

HLAZY 92:7

Moleipazy cha sibiepa hawhta pyuhpa ta, Hmoparaopazy a sosâh kaw hra ei sala, Chhâzaw ta pahleipadia awpa ama châ.

BIESOZY 11:7

Moleipa cha a thi nahta, A hnabeiseihna lei pâ ta, Hneirôh awpa ta a saduthliepa chhao a lei ha tyh.

BIESOZY 13:6

Siana ta adopa ta a ypazy hrôbieh ta, Moleina deikua cha moleipa a papao tyh.

BIESOZY 21:15

Pachiana dopa cha mosiapa alyna châ ta, Moleipa châta deikua cha raona a châ.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

ZEKARIA 10:12

Zudâh pathlazy cha, Abeipa liata thatlôpa ta tao aw ei na ta, Ano moh ta hmo ama tao aw,” Abeipa ta a tah.

PHILIPI 4:13

Tha nâ patlôtuhpa Krista liata ato ei tao thei.