BIESOZY 10:28 - Mara Bible RV (BSI)

²⁸ Mosiapa hnabeiseihna ta alyna tlôkhei ta, Moleipa saduthliena deikua cha a leidia aw.

BIESOZY 10:28 ပူးပေါင်းရင်းမြစ်များ

ZAWBÂ 11:20

Moleipazy mo deikua cha zoh aw ta, Amâ râ nawpa lâpi zydua lei khai aw ta, Ama kho chaipa cha, Ama hu chhâ awpa a châ aw,” tah ta.

ZAWBÂ 8:13

Cha hawhpa cha Khazohpa a mypa zydua lâpi châ ta, Khazohpa a pachâ leipazy hnabeiseihna cha a leidia aw.

HLAZY 112:10

Moleipa ta cha cha hmô aw ta, A hie a hâh ngaita aw; A hâh charieh aw ta, A zao khai ha haw; Moleipa khona cha a leidia aw.

HLAZY 16:9

Chavâta ei palôh thapha ta, Ei hro â ly ngaita; Ei pôhpa chhao â bohpa ta a y aw.

HLAZY 68:4

Khazohpa lâ hla sa u la, A moh reithai­pa ta sa teh u; Meihdo chô liata a kiahpa châta hla sa u la, A moh cha Abeipa châ ta, A hmiakô liata a lypa ta y teh u!

BIESOZY 11:23

Mosiapa khopa cha phana ta chhâ tyh ta, Moleipa saduthliena deikua cha hiehâhna ta a chhâ tyh.

BIESOZY 11:7

Moleipa cha a thi nahta, A hnabeiseihna lei pâ ta, Hneirôh awpa ta a saduthliepa chhao a lei ha tyh.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

BIESOZY 29:6

Moleipa cha a paraona liata a ao ta, Mosiapa deikua cha hla sa ta a tha a pha.

RAWMA 12:12

Hnabeiseihna liata a ly u la, rietheitaona liata tiama u la, thlahchhâ lylia muh vy.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 5:2

Ano vâ lilaw ta tahmâ ta eimâ duana ngiachhiena liana heta ngiapâna ta a ngia ha pi ta, Khazohpa rônahna hnabeiseihpa ta a lypa ta eima y.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta