BIESOZY 1:7 - Mara Bible RV (BSI)

⁷ Abeipa china cha novâhna athaona châ ta, Ahrupazy ta sona nata pachuna ama mohnao tyh.

BIESOZY 1:7 ပူးပေါင်းရင်းမြစ်များ

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

BIESOZY 1:22

“Nâmo sona a phahlapazy saih u, So leipa ta ypa he khachâ ma nama pasô chy aw tly? Pasipasawh a thaipazy ta khachâ ma chyhsa pasipasawhpa paphasa aw ei ta, Ahrupazy ta khachâ ma pahnona amâ hao aw tly?

BIESOZY 15:32

Pachuna a uasa leipa cha a hro khâpasaw ta a reih leipa châ ta, Chhoreina a nathliepa deikua cha novâhna a to aw.

BIESOZY 15:33

Abeipa china cha sona pachuna châ ta, Palyupalihna to awpa ta a reisi tua awpa a byuh.

BIESOZY 15:5

Ahrupa cha a paw pachuna mohnao ta, Asopa deikua cha a paw rana a uasa tyh.

BIESOZY 18:2

Ahrupa cha novâhna liata alyna hnei leipa ta, Ano palôh reipapuana lia deita ta â ly tyh.

BIESOZY 2:5

Abeipa china kyh liata na novâh aw ta, Khazohpa pahnona nâ huah aw.

BIESOZY 23:9

Ahrupa theina liata bie reih khah y, Na sona biezy a mohnao pathlei aw na.

BIESOZY 9:10

Abeipa china cha sona athaona châ ta, Mo Pathaihpa pahnona cha novâhna a châ.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RYHPACHANEINA 4:6

Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.