BIEPHUAH 9:5 - Mara Bible RV (BSI)

⁵ Ama khi liata Khazohpa chahnaona a hnei leipazy cha thla pangawh chhôh pasa pataosa awpa ta khawsuzy cha pasaipa châ ei ta, ama thie awpa deikua pasaipa châ veih ei. Ama pasasanazie cha râhcha-ia ta chyhsa sie ta a pasasapa hawhta a châ.

BIEPHUAH 9:5 ပူးပေါင်းရင်းမြစ်များ

2 THÂTIHZYRONA 10:11

Ei paw khata raopaky a hri ngaitapa cha pakysa ei ta, kei ta nama raopaky ei baichha aw. Ei paw ta sôsi ta cha chhorei ei ta, kei ta râh cha-ia ta ei cha chhorei aw ei,’ tahpa ta nâ chhy aw,” tah ei ta.

2 THÂTIHZYRONA 10:14

Bei Rehôbaw ta thyutliazy ryhraokheina hawhta âmo cha a chhy ta, ama hnohta, “Ei paw ta raopaky a hri ngaitapa cha paky ei ta, kei ta nama raopaky ei baichha aw. Ei paw ta sôsi ta cha chhorei ei ta, kei ta râh cha-ia ta ei cha chhorei aw ei,” tah ta.

ZAWBÂ 2:6

Abeipa ta Sâtâ hnohta, “Moh teh, ano cha na ku liata a y. A hrona deikua na pahlôh awpa a châ,” tah ta.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

DÂNIAH 7:6

He khai tawhta moh na ta, sahrâhpa hropa cha keihchhoh lyu ta, a ky liata pavaw mathlaw miapalih hnei ta. Cha sahrâhpa cha luh miapalih hnei ta, a hnohta ryureina piepa a châ.

ZAWHÂNA 19:11

Zisu ta a chhy ta, “Chô lâ tawhta biehneina piepa na châ vei khiahta la, ei chô liata khâpa biehneina hmah hnei va chi. Chavâta nâ lâta nâ vaw hlâtuhpa moleina he a lai via,” tah ta.

BIEPHUAH 11:7

Pahnokheina bie ama rei khai nahta, aleichiepa khaohtlô tawhta sahrâhpa a vaw pua awpa ta âmo cha a dyuh aw ta, pahnie aw ta, a thie aw ei.

BIEPHUAH 13:5

Chatawhcha apalaina nata Khazohpa reipachhiena pakah a hnohta piepa châ ta, thla sypalih nata thla no chhôh biehnei awpa ta pasaipa a châ.

BIEPHUAH 13:7

Mopathaihpazy a dyuh ta pahnie awpa ta pasaipa châ ta, chi to, phopi to, reih to nata râh to chô liata biehneina a hnohta piepa a châ.

BIEPHUAH 9:10

Râhcha-iazy hawhta chaolahmei nata azâpa hnei ei ta, thla pangawh chhôh chyhsazy pasasa theina ama chaolahmei liata a y.

BIEPHUAH 9:3

Meikhuh hry tawhna chata khawsuzy alei lâ vaw pua ei ta, alei liata râhcha-iazy hmotaotheina hawhpa hmotaotheina ama hnohta piepa a châ.