BIEPHUAH 9:21 - Mara Bible RV (BSI)

²¹ Ama lianycheinazy, ama dyuthainazy, amâ patlana moleinazy nata ama parunazy chhao ro hlei veih ei.

BIEPHUAH 9:21 ပူးပေါင်းရင်းမြစ်များ

ISAI 47:12

Na hawtita tawhta na hriapasa tyhpa, Na pachaonazy liana cha a duah la, Na dyu hluhpi liana cha a duah tua rai; Na hlao a tloh thlâh ha thei ngyu aw mâh tâh, Chichhihpa hmo na paysa thei thlâh ha ngyu aw mâh tâh.

ISAI 47:9

He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ISAI 57:3

Nâmo, dyuthainô sawchapawzy deikua cha, A vaw hnia u la; Nâmo, apheinô nata sihryhnô chipathlazy A vaw hnia teh u.

DÂNIAH 11:33

Zawpi hry liata chyhsa sopazy ta, chyhsa hluhpi pachu aw ei ta, châhrasala noh hluhpi chhôh cha zaozi ta tlyma, meipaleih ta tlyma, sei châna ta tlyma, hraona ta tlyma chyhsa hluhpi ama pao aw.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

2 KAWRINI 12:21

Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.

KALATIA 5:20

nothlahpa achhyna, dyuthaina, ahaona, ahryuna, hiatliana, pathichhiena, ateina, apananona, achhaihna,

BIEPHUAH 13:13

Ngiana nata hmonoâhpa rônah ngaitapazy tao ta, chyhsa mohmô liata avâ tawhta alei lâ mei patlasa theina taihta a tao theipa a châ.

BIEPHUAH 13:15

Sahrâhpa nothlahpa cha husona pahneisa awpa ta, sahrâhpa mianona hnohta hmotaotheina piepa châ ta, chatanachata sahrâhpa nothlahpa cha reih pathlie thei aw ta, sahrâhpa nothlahpa a chhy khoh leipa maih a pathiesa aw.

BIEPHUAH 13:7

Mopathaihpazy a dyuh ta pahnie awpa ta pasaipa châ ta, chi to, phopi to, reih to nata râh to chô liata biehneina a hnohta piepa a châ.

BIEPHUAH 14:8

Vâlyuhchâpa hropa, panona ta vaw pazi ta, “A pao haw, Babylaw khihpi rônahpa cha a pao haw. Sihryhna vâta phopi to hiehâhna kresawhti a padosatuhpa cha a pao haw,” tah ta.

BIEPHUAH 16:6

Mopathaihpazy nata hrohsopazy thisaih palo ei ta, Thisaih lilaw na padosa ha ei; Amâ phuhpa rai a châ!” a tahpa thei na ta.

BIEPHUAH 17:2

Ano cha lei beizy ta amâ pheikheipa châ ta, a sihryhna kresawhti ta lei chyhsazy a parisapa a châ,” tah ta.

BIEPHUAH 17:4

Chanô cha poh nohsaihpa nata saihlawpa a bu ta, ngôh nata lôsôhpa nata taikulô ta a tobi ta, a ku liata hmo pasichhihpa nata sihryhna moleina ta a biepa ngôh nyu a chaba ta.

BIEPHUAH 17:5

A khi liata bienyupa, “Babylaw khihpi rônahpa, sihryhpazy nata lei hmo pasichhihpazy nô,” tahpa ta moh ropa y ta.

BIEPHUAH 18:3

A sihryhna kresawhti doh ei ta, Phopi zydua ama pari khai haw; Lei beizy ta sihryhkhei ei ta, Lei liata sôhpalietuhpazy ta hneirôhkhei ei ta, A phasana hro ama hneirôhkhei,” tahpa ta awh ta.

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

BIEPHUAH 9:20

Khizaw chyhsa hropa, cha potlanazy ta a thie leipazy ta ama ku ta taopazy amâ chhypa tawhta ro khoh to veih ei. A hmô thei leipa, a thei thei leipa nata a sie thei leipa ngôh nothlahpa, tâkâ nothlahpa, dawh nothlahpa, alô nothlahpa nata tho nothlahpa achhyna nata ahripazy achhyna bâsai hlei veih ei.