BIEPHUAH 9:20 - Mara Bible RV (BSI)

²⁰ Khizaw chyhsa hropa, cha potlanazy ta a thie leipazy ta ama ku ta taopazy amâ chhypa tawhta ro khoh to veih ei. A hmô thei leipa, a thei thei leipa nata a sie thei leipa ngôh nothlahpa, tâkâ nothlahpa, dawh nothlahpa, alô nothlahpa nata tho nothlahpa achhyna nata ahripazy achhyna bâsai hlei veih ei.

BIEPHUAH 9:20 ပူးပေါင်းရင်းမြစ်များ

2 ABEIZY 22:17

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su he ei pathiiana mei ta pakâ aw na ta, pachhaipa châ aw vei.

2 THÂTIHZYRONA 28:22

A nôpo ngaita no chhao ta, Ahâza cha Abeipa chô liata ngâ a chhih lei via rili ta. Cha cha Bei Ahâza hro a châ.

2 THÂTIHZYRONA 34:25

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su chô liata ei pathiiana mei lei thlu aw na ta, pachhaipa châ aw vei.

HLAZY 106:37

Ama sawchapawzy nata ama sawchanôzy Ahripazy lâta atheihna ta ama hlâ tyh.

ISAI 2:8

Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ISAI 41:7

Zôthaipa ta ngôh daihtuhpa pasyu ta, Syulô ta pamihtuhpa ta Syuphaw lô liata a daihtuhpa a pasyu; A baipâna kyh liata, “A pha kaw,” tah ta, Â chalyu lei nawpa ta, Thuakhaizy ta ama khaipâ.

ZEREMIAH 1:16

Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 25:6

Khazoh hropazy pazi leipa u la, âmo cha chakao leipa ta, a chhy hra leipa u la, nama ku ta a taopazy ta ei hie na pahâh hra khuh vy. Cha hawhta nama tao khiahta cha, cha pasasa aw veih ei na,’ tahpa ta Abeipa bie cha chho ei ta.

ZEREMIAH 44:8

Khazia pahrâ awpa ta namâ vyna Izi râh liana heta khazoh hropazy lâta ropahâhpazy raopa ta, nâmo ku ta nama taopa hmozy ta ei hie eina pahâh ei chi tly? Khazia nâmosasyh ta a chhawh pathlahpa ta, khizaw phopi zydua hry liata chhiesapa nata pasipasawhpa ta nama y aw?

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

ZEREMIAH 51:17

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona y vei; Chavâta ano taopa nothlahpazy cheingei ta, Ngôh daihtuhpa cha nozapa ta a paysa tyh.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

DÂNIAH 5:4

Kresawhti cha doh ei ta, ngôh, tâkâ, dawh, thua, tho nata alô khazohzy reithai ei ta.

THEIHTHAINA 17:7

Amâ phei tyhna mie tôhpa khazohzy lâta atheihnazy ama hlâ awpa châ khao vei. Cha cha ama chhâ zydua châta chhâzaw bieraopa a châ aw.

MIKÂ 5:13

Na khazoh nothlahpazy chhawh pachhô aw na ta, Na panana tôhzy ei chhawh pachhô khai aw; Chatanachata na ku ta a taopazy lâta A bôh heih khao aw va chi.

MATHAI 21:32

Zawhâna kha siana lâpi a chhihpa ta nâmo lâ a vy ta, châhrasala zo veih ei chi. Chhiekheituhpazy nata âzuahnôzy deikua ta la ama zo. Nâmo la siana lâpi nama hmôpa chhao ta, ro khoh leipa ei chi ta, zo khoh veih ei chi.

HMOTAOPAZY 17:29

“Khazohpa pathla eima châ tlôh khiahta cha, Khazohpa cha ngôh tlyma, tâkâ tlyma, alô tlyma, chyhsa patuapaluapa nata zôthaipa ta taopa nothlahpa hawhpa he khiah ma, tahpa ta eima pachâ awpa châ vei.

HMOTAOPAZY 19:26

Ephesi lia dei châ leipa ta, Asia râh zydua rô ta, he Pawla heta ku ta taopa khazohzy cha khazoh châ veih ei, tahpa ta chyhsa hluhpi pahnie ta, a patleisa khaipa kyh cha, nâmo chhao hmô ei chi ta, nama theipa a châ.

HMOTAOPAZY 7:41

Cha nohzy liata, viahchao taw nothlahpa tao ei ta, nothlahpa lâ cha atheihna hlâ ei ta, âmo ku ta taopa chô liata thapha ngaitapa ta y ei ta.

2 KAWRINI 12:21

Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.

RYHPACHANEINA 31:29

Ei thi tawhta thata molei aw ei chi ta, bie ei cha piepa ei lâpi tawhta nama tleisai aw tahpa ei pahno. Noh a vaw tlô awpazy liata, nama ku hmotaopa ta Abeipa hie pahâhpa ta, a mohmô liata hmo pha leipa nama tao awpa vâta, hmo pha leipa ta a cha tla thlu aw ei,” tah ta.

RYHPACHANEINA 32:17

Khazoh a châ leipa ahripazy lâta atheihna hlâ ei ta, Ama pahno beih leipa khazoh, Atlia ta a vaw ypa khazoh thiehpa, Pathlatuhpazy ta ama chi beih leipa Khazohzy lâta atheihna ama hlâ tyh.

RYHPACHANEINA 4:28

Cha liata chyhsapa ku ta taopa tho nata lô khazoh, a hmô thei leipa, a thei thei leipa, a nie thei leipa, roh theina chhao a hnei leipa nama chakao aw.

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

BIEPHUAH 15:1

Chatawhcha avâ liata ngiana hropa, ngiana rônahpa nata noâhchhihpa hmô na ta. Cha cha vâlyuhchâpa pasari nata potlana miasari a châ. Cha potlanazy cha potlana hnôhchaipazy a châ. Cha potlanazy liata Khazohpa hiehâhna cha a chhâ haw.

BIEPHUAH 16:8

Vâlyuhchâpa papalihna ta a biebuh cha noh liata patlai ta. Mei ta chyhsazy pakâh awpa ta, noh cha hmotaotheina piepa a châ.

BIEPHUAH 9:19

Arâzy hmotaotheina cha ama pakah liata nata ama chaolahmei liata y ta, ama chaolahmeizy cha parihzy hawhta châ ta, luhzy hnei ei ta, cha chata chyhsa ama pasasa tyh.

BIEPHUAH 9:21

Ama lianycheinazy, ama dyuthainazy, amâ patlana moleinazy nata ama parunazy chhao ro hlei veih ei.