BIEPHUAH 9:18 - Mara Bible RV (BSI)

¹⁸ Ama pakah tawhta a puapa mei nata meikhuh nata kaih potlana miathôh ta khizaw chyhsa su thôh su kha a thie haw.

BIEPHUAH 9:18 ပူးပေါင်းရင်းမြစ်များ

BIEPHUAH 8:10

Vâlyuhchâpa pathôhna ta a chiahmie vaw tô ta, meirei hawhta a iapa awhsi laipa avâ tawhta za tla ta, chavahzy su thôh su kha nata tihnawhzy vi ta.

BIEPHUAH 8:11

Awhsi moh cha Khapa a châ. Tizy su thôh su kha cha ti khapa lâta a vaw lie ta, ti khapa ta taopa a châpa vâta, a ti a dohpa hluhpi thi ei ta.

BIEPHUAH 8:12

Vâlyuhchâpa papalihna ta a chiahmie vaw tô ta, noh su thôh su kha, thlâpâ su thôh su kha, awhsizy su thôh su kha paraopa a châ. Ama khaihna su thôh su kha pazohsapa châ ta, chhô daihti su thôh su kha cha khaih khao leipa ta, zâ daihti su thôh su kha chhao khaih khao vei.

BIEPHUAH 8:7

Vâlyuhchâpa pakhana ta a chiahmie vaw tô ta, thisaih nata a pahlaopa pareih nata mei ta vaw pazi ta, chazy cha alei liata thypa a châ. Alei su thôh su kha kâ khai ta, thozy chhao su thôh su kha kâ ta, sibie hrohpa zydua a kâ khai haw.

BIEPHUAH 8:8

Vâlyuhchâpa panona ta a chiahmie vaw tô ta, tlâh laipa a lyupa, mei ta a kâ haipa cha tilaipi liata thypa châ ta, chatanachata tilaipi su thôh su kha cha thisaih lâta a vaw lie ha ta.

BIEPHUAH 8:9

Tilaipi liata hrona a hneipazy su thôh su kha thi ei ta, balyhzy chhao su thôh su kha paraopa a châ.

BIEPHUAH 9:15

Cha dawh, cha noh, cha thla nata cha kô châta rao chiehpa vâlyuhchâpa papalihzy cha, chyhsa su thôh su kha thie awpa ta pathliepa châ ei ta.

BIEPHUAH 9:17

He he arâzy nata a kiahtuhpazy kyh liata aluahna ta ei hmôpazy a châ: Mei nata saphai lô nata kaih hawhpa chachôhna vyhphaozy hnei ei ta, arâ luhzy cha chakeibarôhneipa luhzy lyu ta, ama pakah tawhta mei nata meikhuh nata kaihzy a pua.

BIEPHUAH 9:19

Arâzy hmotaotheina cha ama pakah liata nata ama chaolahmei liata y ta, ama chaolahmeizy cha parihzy hawhta châ ta, luhzy hnei ei ta, cha chata chyhsa ama pasasa tyh.