BIEPHUAH 8:8 - Mara Bible RV (BSI)

⁸ Vâlyuhchâpa panona ta a chiahmie vaw tô ta, tlâh laipa a lyupa, mei ta a kâ haipa cha tilaipi liata thypa châ ta, chatanachata tilaipi su thôh su kha cha thisaih lâta a vaw lie ha ta.

BIEPHUAH 8:8 ပူးပေါင်းရင်းမြစ်များ

ZEREMIAH 51:25

“Hy khizaw zydua a paraotuhpa tlâhpi, Moh teh, ei châ dyuh hih; Na chô liata ei ku hypa ta, Lôkâh sâhpa tawhta cha pahluah aw na ta, Tlâh kâupa ta ei cha tao aw” Abeipa ta a tah.

EZEKIA 14:9

“Hrohsopa cha dôveipa ta ypa ta, bie a reih khiahta cha, kei Abeipa ta hrohsopa cha ei dôveipa châ ta, a chô liata ei ku hy aw na ta, ei phopi Izarei hry tawhta ei pahleipadia ha aw.

AMÔSÂ 7:4

Abeipa Zehôvâh ta hetana heta na pahmôsa heih ta: Pachâ tua u, Abeipa Zehôvâh ta mei ta pachiana aw ta, mei chata ti athupa lai ngaitapa cha palâ khai ha ta, alei chhao nie lymâ ta.

ZEKARIA 13:8

Râh pôhpalôhpa liata, Su thôh su no chhawh pathlahpa ta thi aw ei ta, Su thôh su kha ahrohpa ta pahlôhpa ama châ aw.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

MÂKA 11:23

Hmeiseihta ta ei cha chho ei, ahy rai he tlâh hnohna heta, ‘A pasie la, tilaipi liata a kei thy teh,’ tah sala, a palôh liata a lôh leina hnei leipa ta, a bie reipa cha a vaw tlô aw tahpa â ngiapâ khiahta cha, a châta taopa a châ aw.

BIEPHUAH 11:6

Hrohsona bie ama rei chhôh noh zydua avâ suah lei awpa ta avâ khaw theina hmotaotheina ama hnei. Ama khona daihti maihta thisaih lâta pachâsa awpa ta tizy chô liata chhao biehnei ei ta, khizaw he potlana to ta hrie awpa ta bie ama hnei hra.

BIEPHUAH 12:4

A chaolahmei ta avâ liata awhsi su thôh su kha a daophi pathlah ta, alei lâ za thy ta. Chanô saw cha a vaw pihpata nahta a palâ thei nawpa ta, drâkao cha chanô nawh a zeihpa hmiakô liana cha a duah thlâh ha ta.

BIEPHUAH 8:7

Vâlyuhchâpa pakhana ta a chiahmie vaw tô ta, thisaih nata a pahlaopa pareih nata mei ta vaw pazi ta, chazy cha alei liata thypa a châ. Alei su thôh su kha kâ khai ta, thozy chhao su thôh su kha kâ ta, sibie hrohpa zydua a kâ khai haw.

BIEPHUAH 9:15

Cha dawh, cha noh, cha thla nata cha kô châta rao chiehpa vâlyuhchâpa papalihzy cha, chyhsa su thôh su kha thie awpa ta pathliepa châ ei ta.

BIEPHUAH 9:18

Ama pakah tawhta a puapa mei nata meikhuh nata kaih potlana miathôh ta khizaw chyhsa su thôh su kha a thie haw.