BIEPHUAH 8:5 - Mara Bible RV (BSI)

⁵ Vâlyuhchâpa ta ropahâhpa raona byh cha la ta, maisâh liata mei ta pabie ta, alei liata thy ta. Chatanachata tôkalôhpazy a vaw thua ta, aozy vaw pua ta, dôhlazy vaw pathlie ta, alozy thata a sih ta.

BIEPHUAH 8:5 ပူးပေါင်းရင်းမြစ်များ

1 ABEIZY 19:11

Abeipa ta, “Pua la tlâh liana hao ta Abeipa hmiakô liata a kei duah teh,” tah ta. Chatawhcha moh tua u, Abeipa ta Elaizâh cha vaw chapia ta, thlihpi thatlôpa nata ru ngaitapa ta tlâhzy cha vaw pacho ta, Abeipa hmiakô liata lôkâhpazy a patlawchheih ta, châhrasala Abeipa cha thlih liata y leipa ta. Thlih a pathli khai tawhta alo a vaw sih ta, châhrasala Abeipa cha alosihpa liata y leipa ta.

HLAZY 18:13

Abeipa cha avâzy tawhta a vaw thua ta, Chônôchaipa ta a ao papua ta, Pachie nata pareih thata a tla.

PUASAINA 19:16

A noh thôhna noh my ta tôkalôh a vaw thua ta, dôhlazy vaw pathlie ta, tlâh chô liata meihdo chhakaluhpa a vaw chhoh ta, chiahmie paro ngaitapa vaw paro ta, riehmo liata a ypa chyhsa zydua cha a chalyu ei ta.

ISAI 29:6

Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 66:6

“Khihpi liata tyhreihna pyu nathlie u la, Achhyna o tawhta pyu a vaw puapa nathlie tua u! Abeipa pyu châ ta, A chariahpazy viari a thôna pyu a châ chuh!”

ZEREMIAH 51:11

“Châtaizy chata u la, Vyhphaozy a chaba teh u! Abeipa ta Babylaw parao a chhuah ha ta, Chavâta Media beizy palôh a pathyu haw; Cha cha Abeipa phuh lana châ ta, Achhyna o phuh a lana a châ.

THEIHTHAINA 16:12

Chatawhcha mei-ia ta a biepa meilana beikoh cha, maisâh tawhta Abeipa hmiakô liata la aw ta, ropahâhpa pahâh ngaitapa, a dipa ta phypa kupazah miano chhaota, pohraipa chhôh lâ â ngiakhei aw.

ZEKARIA 14:5

Tlâhpi saikaozy cha Aze taih a tlôpa vâta, ei tlâhpizy saikao lâ a râ aw ei chi ta, Zudâh bei Uzia â bei nota alosihpa vâta namâ râpaipa hawhna khata namâ râ aw. Chatawhcha Abeipa ei Khazohpa cha a vy aw ta, a mopathaihpa zydua chhao ano hnohta amâ vy aw.

MATHAI 24:7

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata chakâhnazy tlô aw ta, alozy â sih aw.

LUKA 12:49

“Alei chô liata mei pathla awpa ta a vypa ei châ. Tahmâ chhao he kâ ha sala ei tah kaw dia!

HMOTAOPAZY 16:26

Eikhapi ta alo thata a vaw sih ta, patâhna o abônazy taihta a vaw chalyu ta. Ochhi zydua thlai a vaw pahy ta, atâhpazy keihrai cha a vaw pathlâ khai ha ta.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 4:5

Beidyuchhai tawhna chata dôhlazy, aozy nata tôkalôhpa a thuapa pyuzy vaw pua hôlô ta. Beidyuchhai hmiakô liana cha meirei iapa miasari y ta, chazy cha Khazohpa thlahpa pasarizy ama châ.

BIEPHUAH 6:12

Chahnaona miacharuna a pathlâ nahta, kaw moh na ta, alo thata a vaw sih ta. Noh cha latho poh hawhta vaw vyh ta, thlâpâ chhao thisaih hawhta saih khai ha ta.

BIEPHUAH 8:3

Vâlyuhchâpa hropa a vy ta, ngôh ropahâhpa raona byh chhaota maisâh kiapâh liata a vaw duah ta. Ropahâhpa hluhpi a hnohta piepa châ ta, cha cha mopathaihpa zydua thlahchhânazy chhaota beidyuchhai hmiakô ta ngôh maisâh chô liata hlâ awpa a châ.