BIEPHUAH 8:3 - Mara Bible RV (BSI)

³ Vâlyuhchâpa hropa a vy ta, ngôh ropahâhpa raona byh chhaota maisâh kiapâh liata a vaw duah ta. Ropahâhpa hluhpi a hnohta piepa châ ta, cha cha mopathaihpa zydua thlahchhânazy chhaota beidyuchhai hmiakô ta ngôh maisâh chô liata hlâ awpa a châ.

BIEPHUAH 8:3 ပူးပေါင်းရင်းမြစ်များ

1 ABEIZY 7:50

ngôh suapa ta taopa nyuzy, meiôh lao chakienazy, biebuhzy, ropahâhpa beihkohzy nata mei lanazy a tao. Achhyna o chhôh chaipa, Su Pathaih Chaipa lâ angiana nata Achhyna ochhôh pipa lâ angiana ochhi patunazy chhao ngôh ta a tao khai.

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

PUASAINA 40:26

Ahmaohna poh o pohraipa hmia lâta ngôh maisâh soh ta,

ISAI 6:6

Chatawhcha serâfizy hry liata pakha cha chaikie ta maisâh tawhta a lapa meihei iapa chabapa ta kei lâ a vaw zaw ta.

EZEKIA 41:22

Maisâh cha dy thôh a sâh ta, dy no seih ta, dy no a kawh. Maisâh kizy, â tyunazy nata a kâzy cha tho ta taopa sai a châ. Chyhsa chata ei hnohta, “He he Abeipa hmiakô liata tlâhkhai a châ hih,” tah ta.

AMÔSÂ 9:1

Abeipa cha maisâh kiah liata â duah thlâhpa ta hmô na ta, Abeipa ta hetana heta a tah: “Ochhizy â chalyu khaina taihta otôhzy phy la, Chyhsa zydua luh chô liata pacho thlu teh; A laibâhpazy cha zaozi ta thie aw ei na ta, Pakha hmahta a râ aw veih ei; Pakha hmahta pua aw veih ei.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MALUHREINA 4:11

“Ngôh maisâh chô liata poh nohpa phaw aw ei ta, tilaipi viahchao vo ta khu aw ei ta, a lâzy ama chahraoh aw.

MALUHREINA 7:62

ropahâhpa ta pabiepa ngôh phiahthla sekel miahrawh a hripa miakha;

LUKA 1:10

Ropahâhpa raona daihti liata, zawpi zydua cha khôtho liata thlahchhâ ei ta.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

HEBRAI 9:4

Cha liata ropahâhpa raona ngôh maisâh nata ngôh ta pahupa biehrai byh y ta, biehrai byh chhôh liata mânâ yna ngôh beih, Arawna chôchahrei chhyh thaopa nata biehrai lôphiazy a y.

BIEPHUAH 10:1

Chatawhcha vâlyuhchâpa hropa thatlô ngaitapa avâ tawhta a za chôpa hmô na ta. Meihdo ta a tobi ta, a luh chô liata meisaku a zawh ta, a hmia cha noh hawhta khaih ta, a pheizy cha mei tôh hawhta a châ.

BIEPHUAH 14:18

Vâlyuhchâpa hropa, mei chô liata biehneituhpa maisâh tawhta vaw pua ta, savâ tiahpa a hneipa hnohta ao paro ngaitapa ta, “Na savâ tiahpa kha hmâh la, alei liata kre zôh tawhta kre saozy za tai teh, kre theizy liahsa ama hmoh haw,” tah ta.

BIEPHUAH 5:8

Châbu chatypa a lapa nahta, hmohrohneipa miapalih nata machâ pakih nata papalihzy cha, totâ nata ngôh ropahâhpa ta a biepa ngôh biebuh a chaba chyupa ta, Mietakutaw hmiakô liata pao ei ta. Cha ropahâhpazy cha mopathaihpazy thlahchhâna a châ.

BIEPHUAH 6:9

Chahnaona miapangawhna a pathlâpa nahta, Khazohpa bie vâta nata pahnokheina bie amâ duakheipa vâta ama thiepazy thlahpa maisâh ry liata hmô na ta.

BIEPHUAH 7:2

Vâlyuhchâpa hropa pakha, Khazoh hrohpa chahnaona a chabapa nochhi lâ tawhta a vaw puapa hmô na ta. Ano chata vâlyuhchâpa papalih, alei nata tilaipi parao theina biehneina piepazy hnohta ao paro ngaitapa ta,

BIEPHUAH 8:4

Ropahâhpa khuh cha mopathaihpazy thlahchhâna chhaota, vâlyuhchâpa ku tawhta Khazohpa hmiakô lâ khy ta.

BIEPHUAH 8:5

Vâlyuhchâpa ta ropahâhpa raona byh cha la ta, maisâh liata mei ta pabie ta, alei liata thy ta. Chatanachata tôkalôhpazy a vaw thua ta, aozy vaw pua ta, dôhlazy vaw pathlie ta, alozy thata a sih ta.

BIEPHUAH 9:13

Chatawhcha vâlyuhchapa pacharuna ta a chiahmie vaw tô ta, Khazohpa hmiakô liata ngôh maisâh ki palihzy tawhta ao thei na ta.