BIEPHUAH 8:13 - Mara Bible RV (BSI)

¹³ Chatawhcha kaw moh na ta, avâ liata a zawpa pahmôhpi ta ao paro ngaitapa ta, “Vâlyuhchâpa pathôh ta chiahmie ama vaw tô awpa pyuzy vâta, alei liata a pahrâpazy cha ama hu a po na, ama hu a po na, ama hu a po na!” a tahpa thei na ta.

BIEPHUAH 8:13 ပူးပေါင်းရင်းမြစ်များ

HLAZY 103:20

Hy nâmo, a vâlyuhchâpazy saih u, Abeipa cha reithai u la; Nâmo, a biepiepazy zyh ta, A biereipa ao a theipa thatlôpazy saih u, Abeipa cha reithai teh u!

EZEKIA 2:10

Châbu chatypa cha ei hmiakô liata vaw pakai ta. A hmia a hnôh ta châropa y ta, chaphôhtuna nata mâchhiesana nata hupona zy ropa a châ.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

BIEPHUAH 11:14

Hupona einona cha khô ta, hupona eithôhna thlai a vaw tlô aw.

BIEPHUAH 12:12

Chavâta Hy avâzy nata a chhôh liata a pahrâpazy saih u, a ly teh u! Nâmo, alei nata tilaipi deikua cha, nama hu a po na! Ahripa ta daihti chyuta dei a hnei tahpa a pahnopa vâta, hiehâh ngaitapa ta nâmo lâ za chô ha tlôh ta,” tah ta.

BIEPHUAH 14:3

Beidyuchhai hmiakô nata hmohrohneipa miapalih nata machâzy hmiakô liata hla thiehpa sa ei ta. Alei tawhta chatlaipa chyhsa 144,000 zy dei leipa ta cha, ahy hmahta cha hla cha sa thei veih ei.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.

BIEPHUAH 19:17

Chatawhcha vâlyuhchâpa pakha, noh liata a duah thlâh hapa hmô na ta. Ano chata avâ liata pavaw a zawpa zydua hnohta ao paro ngaitapa ta, “A vy u la, Khazohpa zâpati rônahpa châta a vaw hmaoh u la,

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.

BIEPHUAH 8:2

Chatawhcha Khazohpa hmiakô liata a duah tyhpa vâlyuhchâpa pasarizy hmô na ta, ama hnohta chiahmie miasari piepa châ ei ta.

BIEPHUAH 9:1

Chatawhcha vâlyuhchâpa papangawhna ta a chiahmie vaw tô ta, awhsi avâ tawhta alei lâ a tlapa hmô na ta, leichiepa khaohtlô pahyna châhbi a hnohta piepa châ ta.

BIEPHUAH 9:12

Hupona hmiatua chaipa khô ha ta, nathlie teh, hupona a vaw tlô awpa miano a y chy.