BIEPHUAH 8:11 - Mara Bible RV (BSI)

¹¹ Awhsi moh cha Khapa a châ. Tizy su thôh su kha cha ti khapa lâta a vaw lie ta, ti khapa ta taopa a châpa vâta, a ti a dohpa hluhpi thi ei ta.

BIEPHUAH 8:11 ပူးပေါင်းရင်းမြစ်များ

PUASAINA 15:23

Marâh su kei tlô ei ta, Marâh su liata tizy cha a khapa vâta doh thei leipa ei ta. Chavâta a moh chhao Marâh bipa ta a châ.

BIESOZY 5:4

Achhâna lâ deikua cha hmo khapa hawhta kha ta, Zaozi hâh nopa hawhta a châ.

ZEREMIAH 23:15

Chavâta hrohsopazy kyh liata, Pheisaihzy Abeipa ta hetana heta a tah: “Pachâ teh u, Zerusale hrohsopazy tawhta a thaopa ta, Râh zydua liata Khazohpa papeisa leina a tlai hapa vâta, Pati khapa paniesa aw ei na ta, Châmaih ti ei padosa aw ei.”

ZEREMIAH 9:15

Chavâta Pheisaihzy Abeipa, Izarei Khazohpa ta hetana heta a tah: Pachâ teh u, he phopi he pati khapa paniesa aw ei na ta, châmaih ti ei padosa aw ei.

CHAPHÔHTUNA 3:19

Ei pasataona nata ei viavinazy a thei la, Thohna khapa ti nata châmaih ti ei dopazy a thei thlâh ha mah y.

CHAPHÔHTUNA 3:5

Na dôhpa ta na chadô ta, Palôh pasana nata rietheina ei chô liata a patlôsa.

AMÔSÂ 5:7

Hy nâmo, adona cha tho khapa pachâsa ei chi ta, Siana alei liata a thypazy saih u!

AMÔSÂ 6:12

Lôpanô chô liata arâzy amâ râ beih mâ? Cha liata chyhsa ta viahchao tôhpazy ta lei a palie beih ma? Nâmo deikua cha, Adona cha châmaih lâta palie ei chi ta; Siana thei chhao, Tho khapa nama pachâsa haw.

ZEKARIA 13:8

Râh pôhpalôhpa liata, Su thôh su no chhawh pathlahpa ta thi aw ei ta, Su thôh su kha ahrohpa ta pahlôhpa ama châ aw.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

RYHPACHANEINA 29:18

A vaih teh u, chataleipatala nama hry liata chapaw tlyma, chanô tlyma, pho tlyma, chi tlyma, tanoh Abeipa eima Khazohpa tawhta ama palôh tleisaipa ta, cha phopizy a chhypa khazohzy cha ngaipa ta chakao aw ei ta, nama hry liata châmaih khapa thari a thla pathlei aw.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

BIEPHUAH 12:4

A chaolahmei ta avâ liata awhsi su thôh su kha a daophi pathlah ta, alei lâ za thy ta. Chanô saw cha a vaw pihpata nahta a palâ thei nawpa ta, drâkao cha chanô nawh a zeihpa hmiakô liana cha a duah thlâh ha ta.

BIEPHUAH 8:7

Vâlyuhchâpa pakhana ta a chiahmie vaw tô ta, thisaih nata a pahlaopa pareih nata mei ta vaw pazi ta, chazy cha alei liata thypa a châ. Alei su thôh su kha kâ khai ta, thozy chhao su thôh su kha kâ ta, sibie hrohpa zydua a kâ khai haw.

BIEPHUAH 9:15

Cha dawh, cha noh, cha thla nata cha kô châta rao chiehpa vâlyuhchâpa papalihzy cha, chyhsa su thôh su kha thie awpa ta pathliepa châ ei ta.

BIEPHUAH 9:18

Ama pakah tawhta a puapa mei nata meikhuh nata kaih potlana miathôh ta khizaw chyhsa su thôh su kha a thie haw.

RUTHI 1:20

Naomi ta ama hnohta, “Naomi na tah khah u, Marâh na tah teh u, Atotaotheipa ta nôpo ngaitapa ta eina tao ha hih.