BIEPHUAH 7:9 - Mara Bible RV (BSI)

⁹ Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.

BIEPHUAH 7:9 ပူးပေါင်းရင်းမြစ်များ

ÂTHAONA 13:16

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

HLAZY 2:8

Na hiah la, phopizy he na ryuto châta cha pie aw na ta, Khizaw kaokih zydua na ryuto ta ei cha pie aw.

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 76:4

Râhsazy ta a biepa tlâhpizy hlâta, Khaih via chi ta, na rônah via.

HLAZY 77:2

Ei nôpona noh liata Abeipa tlua na ta, Zâ ta chhao ei ku pathla leipa ta ei pazawh lymâ; Ei hro he thlapalôh thei awpa châ khao vei.

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 3:17

Cha daihti liata, Zerusale cha Abeipa beidyuchhai tahpa châ aw ta, cha liata phopi zydua Abeipa hmiakô liata Zerusale liata a hmaoh aw ei ta, ama palôh moleina zipa ta kuhchhapa ta y khao aw veih ei.

EZEKIA 47:5

Dy sâh kha thlie heih ta, ti cha a lai kaw bâpa vâta, ei chaka thei leipa chavah vaw châ ha ta. A zaw khi ta âthupa, chaka thei lei awpa chavah vaw châ ha ta.

DÂNIAH 4:1

Bei Nebukaneza ta, khizaw zydua liata a pahrâpa phopi to, râh to nata reih to hnohta hetana heta tah ta: Thlalôhna nama chô liata pôh lymâ mawh sy!

DÂNIAH 6:25

Chatawhcha Bei Dâria ta khizaw zydua liata a pahrâpa phopi to, râh to nata reih to lâta châ paphao ta, “Thlalôhna nama chô liata pôh mawh sy!

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

THEIHTHAINA 23:40

A noh khana noh ta tho phapa theizy, thiahrâ kuahzy, thochiah buh phapa nata chavah liata râbuhzy a chaba aw ei chi ta, Abeipa nama Khazohpa hmiakô liata noh sari chhôh thaphapa ta nama y aw.

ZEKARIA 10:8

“Ei chatlai hapa vâ ei ta, Pahipa ta awpakhy aw ei na ta, Ama pôh tyhpa hawhna khata ama pôh heih aw.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

LUKA 12:1

Cha nona chata, amâ tlypâ ngâna taihta zawpi sâh hluhpi a vaw hmaohpakhy ei ta, Zisu cha a pachupazy hnohta bie reih tua chai ta, “Phârisaihzy thinô liata a vaih teh u, cha cha phapakheina a châ.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

ZAWHÂNA 12:13

Thiahrâ kuahzy a cheipa ta ano dy awpa ta pua ei ta, “Haozanâ! Abeipa moh ta Izarei Bei a vypa cha reithaipa ta y mawh sy!” tahpa ta awh ei ta.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

EPHESI 6:13

Chavâta noh pha leipa liata namâ dyuh thei nawpa nata nama tao khai tawh chhao ta namâ duah thei nawpa ta, Khazohpa chariah chhaichhi pakipa ta a tobi teh u.

HEBRAI 11:12

Chatanachata chapaw pakha, athipa hawhta pachâpa tawhta, avâ liata awhsi zie ta a hluhpa nata tilaipi ngiahkâ liata sadi rei tiah lei zie ta a hluhpa chipathlazy ama vaw pua haw.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 22:3

Cha khihpi liana cha chhiesana rai y khao leipa aw ta, Khazohpa nata Mietakutaw beidyuchhai tlao y aw ta, a chakaotuhpazy ta ano cha amâ chhy aw.

BIEPHUAH 3:18

Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.

BIEPHUAH 4:4

Beidyuchhai chadôpa ta beidyuchhai hropa miakih nata miapalih y ta, cha liata machâ paki nata papalih poh diehpa a bupa ta a tyuhpa hmô na ta, ama luh liata ngôh lakhozy a kho ei ta.

BIEPHUAH 5:11

Chatawhcha kaw moh na ta, beidyuchhai nata hmohrohneipazy nata machâzy chheipâh liata vâlyuhchâpa hluhpi ao thei na ta, ama hluhzie cha thysâh hluhpi ama châ.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.

BIEPHUAH 6:11

Ama hnohta poh diehpa pie chyu ei ta, ama chakaolâhpazy nata ama unawhzy âmo hawhta thie khaipa ama châ hlâlei, bohpi leipa chhôh a pahâ chy awpa ta chhopa ama châ.

BIEPHUAH 7:8

Zebulawna chi 12,000, Zawsi chi 12,000 nata Benzami chi 12,000 chahnaopa ama châ.