BIEPHUAH 7:16 - Mara Bible RV (BSI)

¹⁶ Ama nodi khao leipa aw ta, Ama dâhphi khao aw vei; Noh ta âmo vawh leipa aw ta, Noh lona ta ama rie pathei khao aw vei.

BIEPHUAH 7:16 ပူးပေါင်းရင်းမြစ်များ

HLAZY 121:5

Abeipa cha châ vaituhpa châ ta, Abeipa cha na ku chachâh lâ châ pahlituhpa a châ.

HLAZY 121:6

Nohchhô ta noh ta cha vawh leipa aw ta, Zâ ta thlâpâ ta cha vawh hra aw vei.

HLAZY 143:6

Ei kuzy nâ lâta pazawh tyh na ta, Ei thlahpa cha nâma vâpa ta alei hipa hawhta a dâh a phi tyh. Selah

HLAZY 42:2

Ei hro he Khazohpa vâpa ta a dâhphi ta, Khazohpa hrohpa vâpa ta a dâh a phi. Khati ta ma sie aw sah la, Khazohpa hmia ei hmô aw tly?

HLAZY 63:1

Hy Khazohpa, nâ cha ei Khazohpa châ chi ta, Hmeiseihta ta ei cha tlua; Ti y leina râh raohpa nata riethei thachhâna râh liata, Nâma vâpa ta ei hro dâhphi ta, Nâma vâpa ta ei sapa a panao.

HLAZY HLA 1:6

Ei vyh kawpa vâta na moh ngâ kaw khuh vy, Noh ta eina vawhpa vâta a châ hih. Ei nô sawchapawzy ta ei chô liata ama hiehâh ta, Kre sadô vaituhpa ta na tao ei ta, Chavâta keima kre sadô hmâchhâh ei vaih thei khao vei hih!

ISAI 25:4

Sipasapa châta thokhy châ chi ta, Dyhchhiepa nôpo daihti liata a thokhy na châ; Thlihpipa tawhta abohna châ chi ta, Noh lopa châta nohdi na châ. Nôchhiepa hu deikua cha, Thlihpipa ta pâhchhô a vawhpa hawhta châ ta;

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 41:17

Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ZAWNA 4:8

Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.

MATHAI 13:21

châhrasala ano liata thari a thla leipa vâta, bohpi leipa dei y thei ta, bie vâta rietheipasana tlyma, taolana tlyma a vaw y nahta, thlai a pao ha tyh.

MATHAI 13:6

noh a vaw chhi nahta, nohsa ta aih ei ta, thari a hnei leipa vâta ama uah haw.

MATHAI 5:6

“Siana khopa vâta nodi dâhphipazy ama nohlao na, ama aoh a vei awpa vâta.

MÂKA 4:17

châhrasala âmo liata thari rai ama thla leipa vâta, bohpi leipa ta ama tha a zei ha tyh. Bie vâta rietheina tlyma, taolana tlyma a vaw y nahta, thlai ama pao ha tyh.

MÂKA 4:6

châhrasala noh a sa nahta vaw aih ei ta, thari ama hnei leipa vâta ama uah haw.

LUKA 1:53

Nodipa cha hmo phapazy ta pabie ta, Hneirôhpazy aruapa ta a pasiesa.

LUKA 6:21

“Nâmo, tahmâ nota nodipazy saih u, nama nohlao na, nama rih a bie awpa vâta. “Nâmo, tahmâ nota a chapazy saih u, nama nohlao na, nama pahnei awpa vâta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZÂMIE 1:11

Noh vaw chhi ta, thata palo ta, sibiepa cha uah ta, a paw zô ta, â ngiana a lei tyh. Cha hawhna chata chyhsa hneirôhpa chhao, hneirôna a tluana lâpi liata a uah aw.

BIEPHUAH 21:4

Ama mo liata mothlih zydua a hru khai aw. Hmo parohpazy a lei hapa vâta, thina y khao leipa aw ta, mâchhiesana, chana nata pasana zy y khao aw vei,” tahpa ta a reipa thei na ta.