BIEPHUAH 7:1 - Mara Bible RV (BSI)

¹ Cha hnôhlâ ta alei ki palih liata vâlyuhchâpa papalih a duahpa hmô na ta. Alei chô liata tlyma, tilaipi chô liata tlyma, thokô chô liata tlyma, thlih a pathli lei nawpa ta, alei thlih miapalihpazy cha patu ei ta.

BIEPHUAH 7:1 ပူးပေါင်းရင်းမြစ်များ

ISAI 11:12

Râhzy lâta ngiana poh chaluahpa ta, Ama râh tawhta papuapa Izarei sawzy pahmaoh aw ta, Zudâh paipatlapazy cha, Alei ki palih tawhta a pakhy aw.

ISAI 27:3

Kei, Abeipa he, kre sadô vaituhpa cha châ na ta, Buakha hâh lei ta ti bao na ta, Ahy hmahta ama parao lei nawpa ta, Chhô nah zâ ta ei vaih tyh.

ISAI 27:8

Izarei cha a dyuh chi ta, A râh tawhta papuapa ta, Na papaipatla haw. Nochhi thlih hrâhpa pathli no hawhta, Abeipa hu thatlôpa ta Izarei cha phaoh ta, A pasie haw.

ZEREMIAH 49:36

Avâ kaokih miapalih tawhta thlih miapalih Elâmi chô liata vaw pathlisa aw na ta, thlih pathlina kaokih to lâta ei papai aw ei. Elâmi râh tawhta to papua chyhsazy tlô leina râh rai y aw vei.

EZEKIA 37:9

Abeipa ta ei hnohta, “Hu hnohta hrohsona bie phuah la, Hy chyhsa sawchapawpa y, phuah tlai la, hu hnohta, Abeipa Zehôvâh ta hetana heta a tah: ‘Hy hu y, thlih pathlina kaokih miapalih tawhta a vy la, ama hro thei nawpa ta, he thiepazy chô liana heta hu so thlu teh,’ tah mah y,” tah ta.

EZEKIA 7:2

“Hy chyhsa sawchapawpa y, Abeipa Zehôvâh ta Izarei râh hnohta hetana heta a tah: Chhâna! Râh ki palihzy liata chhâna a vaw tlô hai.

DÂNIAH 11:4

 vaw bei tawhta, a khinarâh cha kei chheih aw ta, avâ thlih miapalihzy lâta pachhaihpa ta y aw ta, a pathlazy hnohta piepa châ leipa aw ta, biehneina ta ryu a rei tyhnazie hawhta châ hra aw vei; a khinarâh cha chakhia pathlapa châ aw ta, mohropazy hnohta piepa a châ aw.

DÂNIAH 7:2

Dâniah ta hetana heta phuah ta, “Zâ ta aluahna liata hmôpa hnei na ta, moh teh u, avâ thlih miapalihpazy ta tilaipi rônahpa cha thata vaw chatlao ei ta.

DÂNIAH 8:8

Mie tôhpa cha thata vaw lai ta, châhrasala a thatlô lichih ta, a ki laipa cha thliepa châ ta, a su liata ki a lâluah kawpa ki palih, avâ thlih miapalihpazy lâ a heipa ta kaw thao ei ta.

ZAWNA 1:4

Châhrasala Abeipa ta thlihpipa ru ngaitapa tilaipi chô liata vaw tuah ta, chatanachata chothyu ru ngaitapa tilaipi liata vaw pathli ta, balyh cha rao daihmâ ta.

ZEKARIA 6:1

Avâ lâ kaw moh heih na ta, talailih miapalih cha tlâhpi miano likawh tawhta amâ vy haipa hmô na ta. Tlâhpizy cha dawh tlâhzy ama châ.

ZEKARIA 6:5

Vâlyuhchâpa ta, “Kha talailihzy kha, khizaw zydua Bei hmiakô liata amâ lâ khai tawhta, avâ thlih miapalihpazy lâta a siepazy ama châ.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MÂKA 13:27

A vâlyuhchâpazy tuah aw ta, â tlyhpazy cha kaokih miapalih tawhta, alei chy chhâna tawhta avâ chy chhâna taihta a pakhy aw.

BIEPHUAH 20:8

alei ki palih liata phopizy dôvei awpa ta pua aw ta, Kawkâ nata Makawkâ zy cha adyuhna châta a awpakhy aw. Ama maluh hluhzie cha tilaipi liata sadi hawhta a châ.

BIEPHUAH 6:6

Hmohrohneipa miapalihzy hry tawhta ao a lyupa vaw pua ta, “Âtâ sâh saikhua kha mâ cha dinâri tlaw kha châ ta, bâli sâh saikhua thôh mâ cha dinâri tlaw kha a châ. Sathaw nata kresawhti deikua parao khah y!” tahpa ta a reipa thei na ta.

BIEPHUAH 7:3

“Eima Khazohpa chakaotuhpazy ama khi liata eima chahnao hlâlei cha, alei nata tilaipi nata thokô zy parao mâh khuh vy,” tahpa ta awh ta.

BIEPHUAH 8:7

Vâlyuhchâpa pakhana ta a chiahmie vaw tô ta, thisaih nata a pahlaopa pareih nata mei ta vaw pazi ta, chazy cha alei liata thypa a châ. Alei su thôh su kha kâ khai ta, thozy chhao su thôh su kha kâ ta, sibie hrohpa zydua a kâ khai haw.

BIEPHUAH 9:14

Ao chata chiahmie a chabapa vâlyuhchâpa pacharuna hnohta, “Ufrâti chavah liata vâlyuhchâpa papalih chahrypazy kha pathlâ teh,” tah ta.

BIEPHUAH 9:4

Ama khi liata Khazohpa chahnaona a hnei leipa chyhsazy tah leipa ta cha, alei liata sibiepazy, tho hrohpa kheihawhpa rai nata thokô kheihawhpa rai parao lei awpa ta chhopa ama châ.