BIEPHUAH 6:9 - Mara Bible RV (BSI)

⁹ Chahnaona miapangawhna a pathlâpa nahta, Khazohpa bie vâta nata pahnokheina bie amâ duakheipa vâta ama thiepazy thlahpa maisâh ry liata hmô na ta.

BIEPHUAH 6:9 ပူးပေါင်းရင်းမြစ်များ

ÂTHAONA 4:10

Abeipa ta a hnohta, “Khâpa hmo ma na tao haw? Na unawhpa thisaih ta chhaohlei tawhta eina kaw aw.

PUASAINA 29:12

Viahchao tôhpa thisaih cha la aw chi ta, maisâh kizy liata na kuparo ta hnia aw chi ta, thisaih laibâhpazy cha maisâh thaby liata na patlai khai aw.

THEIHTHAINA 4:7

Theihthaipa ta thisaih cha la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha, ahmaohna poh o chhikao liata raopa hlâna maisâh thaby liata a patlai khai aw.

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

2 KAWRINI 5:8

Thlalôhpa ta eima y. Pôhpa o liata y leipa ta, eima y nawpa o liata Abeipa hnohta y awpa eima khoh via.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

PHILIPI 2:17

Dopa hlâna hawhta, namâ ngiapâna atheihna nata chakaona chô liata patlaipa ta y hraw sah la, a ly pyly na ta, nama zydua ta ei châ lykhei hra ei.

2 TIMAWTHY 1:8

Chavâta eima Beipa bie pahnotuhpa châpa cha zakhei khah y. Kei ano vâta atâhpa chhao he na zakhei hra leipa la, Khazohpa hmotaotheina ta thâtihpha châta pasa tlao na taokhei mah y.

2 TIMAWTHY 4:6

Kei la tahmâ chhao he dopa hlâna hawhta hlâ haipa châ na ta, ei sie nawpa daihti a vaw tlô haw.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

BIEPHUAH 1:2

Cha Zawhâna cha Khazohpa bie nata Zisu Krista bie pahnotuhpa châ ta, ano mo tlai ta hmôpa ta a pahnokheituhpa a châ.

BIEPHUAH 1:9

Kei, Zawhâna, nama unawhpa nata Zisu liata rietheina nata khinarâh nata tao hualuana kyh liata châ taokheituhpa ei he, Khazohpa bie nata Zisu pahnokheina bie vâta Pâtamô liahpahlô ama tahpa liata y na ta.

BIEPHUAH 14:18

Vâlyuhchâpa hropa, mei chô liata biehneituhpa maisâh tawhta vaw pua ta, savâ tiahpa a hneipa hnohta ao paro ngaitapa ta, “Na savâ tiahpa kha hmâh la, alei liata kre zôh tawhta kre saozy za tai teh, kre theizy liahsa ama hmoh haw,” tah ta.

BIEPHUAH 16:7

Chatawhcha Maisâh tawhta ao vaw pua ta, “A châ na, Hy Atotaotheipa Abeipa Khazoh, Na pachianazy cha a do ta a sia!” tahpa ta â chhypa thei na ta.

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.

BIEPHUAH 2:13

“‘Na pahrâna, Sâtâ beidyuchhai yna ei pahno. Châhrasala ei moh khâchâ patu chi ta, ei bie pahnotuhpa ei chyhsa ngâchhihpa Antipâ kha, Sâtâ pahrâna liata nama hry liata ama thie nona khata, einâ ngiapâna chi a paphasai va chi.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.

BIEPHUAH 8:3

Vâlyuhchâpa hropa a vy ta, ngôh ropahâhpa raona byh chhaota maisâh kiapâh liata a vaw duah ta. Ropahâhpa hluhpi a hnohta piepa châ ta, cha cha mopathaihpa zydua thlahchhânazy chhaota beidyuchhai hmiakô ta ngôh maisâh chô liata hlâ awpa a châ.

BIEPHUAH 9:13

Chatawhcha vâlyuhchapa pacharuna ta a chiahmie vaw tô ta, Khazohpa hmiakô liata ngôh maisâh ki palihzy tawhta ao thei na ta.