BIEPHUAH 6:2 - Mara Bible RV (BSI)

² Kaw moh na ta, arâ râhpa hmô na ta. A chô liata a kiahpa cha libaw a chaba ta, a hnohta lakho piepa châ ta, pahnietuhpa châ awpa nata pahnie lymâ awpa ta pua ha ta.

BIEPHUAH 6:2 ပူးပေါင်းရင်းမြစ်များ

HLAZY 110:2

Abeipa ta Zaio tawhta na thatlôna chôchahrei vaw tuah sala, Na chariahpazy hry liata ryureih mah y!

HLAZY 76:7

Nâ, nâma tlai cha chi awpa châ chi ta, Na pathi a ia ha khiahta cha, Ahy ma na hmiakô liata a duah thei aw?

HLAZY 98:1

Abeipa lâ hla thiehpa sa teh u! Ano cha hmonoâhpazy taotuhpa châ ta, A ku chachâh lâ nata a bâh pathaihpa ta pahniena a to haw.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ZEKARIA 1:8

“Zâ ta aluahna hmô na ta, pachâ teh u, chyhsa pakha tlai cha arâ saihpa kiah ta, saikao liata mierâ thozy hry liata a duah ta, a hnôh lâta arâ saihpa, arâ peipa nata arâ râhpazy y ei ta.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

1 KAWRINI 15:25

A chariahpa zydua a phei ry liata a soh khai hlâlei Krista cha â bei chy aw.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 11:18

Phopizy ama hiehâh ta, Na pathiiana a vaw tlô; Cha cha athihpazy pachiana daihti châ ta, Châ chakaotuhpa hrohsopazy nata mopathaihpazy Lymâ piena daihti a châ. Na moh a chituhpa a lai a chyh ta Lymâ piena daihti châ ta, Leilô paraotuhpazy paraona daihti a châ,” tahpa ta Khazohpa a chhy ei ta.

BIEPHUAH 14:14

Chatawhcha kaw moh na ta, meihdo râhpa hmô na ta. Meihdo chô liana chata chyhsa sawchapawpa a lyupa, a luh liata ngôh lakho a kho ta, a ku liata savâ tiah ngaitapa a chabapa ta a tyuhpa hmô na ta.

BIEPHUAH 15:2

Chatawhcha thlalâ tilaipi, mei nata a pahlaopa hmô na ta. Sahrâhpa nata a nothlahpa nata a moh nuby a pahnietuhpazy cha, Khazohpa totâzy chabapa ta thlalâ tilaipi kiah liata a duah ei ta.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 19:14

Vâ pheisaihzy ta poh rih dipa diehpa nata pathaihpa a bupa ta arâ râhpa a kiahpa cha pazi ei ta.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.

BIEPHUAH 9:7

Khawsuzy alânazie cha adyuhna châta pachhuahpanohpa arâzy hawhta ama châ. Ama luhzy liata ngôh lakho lyupa a kho ei ta, ama hmia cha chyhsapa hmia a lyu.