BIEPHUAH 6:16 - Mara Bible RV (BSI)

¹⁶ tlâhpizy nata lôpanôzy hnohta, “Miah vi u la, beidyuchhai liata atyuhpa hmiakô tawhta nata Mietakutaw hiehâhna tawhta miah nyu teh u.

BIEPHUAH 6:16 ပူးပေါင်းရင်းမြစ်များ

HLAZY 14:5

Khazohpa cha mosiapazy hry liata a pahlao tlôh ta, Chavâta hmoparaopazy cha, cha liata chi ngaitapa ta ama y.

ISAI 2:10

Abeipa chichhihna nata â beina rônahna tawhta a râ u la, Lôpanô liata a ngia u la, Dohlei liata a nyu teh u.

ZEREMIAH 8:3

“Ei papaipatla hapa phopi moleipa laibâhpazy cha, ama pahrâna su lia maihta, hro awpa hlâta thi awpa tlao amâ tlyh via aw,” Pheisaihzy Abeipa ta a tah.

HÔSIA 10:8

Izarei moleina Ave su sâhpazy cha, Paraopa a châ aw. Ama maisâhzy liata Diahsai nata ahlohzy pyuh aw ta, Tlâhpizy hnohta, “Miah vao teh,” tah aw ei ta, Tlâhthlôhzy hnohta, “Miah vi teh,” ama tah aw.

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MÂKA 3:5

Hiehâhpa ta âmo cha moh ta, ama palôh kuhchhapa vâta a palôh pasa ngaita ta, kusypa hnohta, “Na ku pazawh teh” tah ta. A ku pazawh ta, a kusypa cha pha ha ta.

LUKA 23:30

Cha tina chata chyhsazy ta tlâhpizy hnohta, ‘Miah vi teh,’ tah aw ei ta; tlâhthlôhzy hnohta, ‘Miah khu teh,’ ama tah aw.

BIEPHUAH 10:6

chhâzaw nata tlyzaw ta a hroh thlâhpa, avâ nata a chhôh liata a ypazy, alei nata a chhôh liata a ypazy, tilaipi nata a chhôh liata a ypazy a paysatuhpa moh reipa ta bie a taih ta, “Bohpi châ khao aw vei.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 4:2

Sôkha ta Thlahpa ta vaw y na ta. Vârâh liata beidyuchhai a vaw patyuh ta, cha liata chyhsa pakha a vaw tyuh ta.

BIEPHUAH 4:5

Beidyuchhai tawhna chata dôhlazy, aozy nata tôkalôhpa a thuapa pyuzy vaw pua hôlô ta. Beidyuchhai hmiakô liana cha meirei iapa miasari y ta, chazy cha Khazohpa thlahpa pasarizy ama châ.

BIEPHUAH 4:9

Hmohrohneipazy ta beidyuchhai liata atyuhpa, chhâzaw nata tlyzaw ta a hroh thlâhpa cha parônahsapa ta palyupalih ei ta, alyna bie ama reina maihta,

BIEPHUAH 5:1

Chatawhcha beidyuchhai liata a tyuhpa ku chachâh lâta châ chatypa, a hmia a hnôh ta ropa, chahnaona miasari ta chahnaopa hmô na ta.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.

BIEPHUAH 9:6

Cha nohzy liata chyhsazy ta thina tlua aw ei ta, châhrasala hmô aw veih ei. Thi khoh ngaita aw ei ta, châhrasala thina ta a râsai aw ei.