BIEPHUAH 6:15 - Mara Bible RV (BSI)

¹⁵ Chatanachata lei beizy, molaipazy, pheisaih hyutuh chaipazy, hneirôhpazy, thatlôpazy, sei nata khotalaipazy, chyhsa to cha lôpuzy liata nata tlâhpi liata lôpanôzy liata a nyu ei ta,

BIEPHUAH 6:15 ပူးပေါင်းရင်းမြစ်များ

ÂTHAONA 3:8

Zâlâ noh nai râhsâ ta Zehôvâh Khazohpa cha sadô liata a chareipa pyu thei ei ta, Âdâh nata a lapinô cha sadô liata tho hry liata Zehôvâh Khazohpa cha a nyusai ei ta.

HLAZY 76:12

Ano cha ryureituhpazy thlahpa a chhawh pathlah theipa châ ta, Lei beizy ta ama chi awpa a châ.

ISAI 2:10

Abeipa chichhihna nata â beina rônahna tawhta a râ u la, Lôpanô liata a ngia u la, Dohlei liata a nyu teh u.

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 2:21

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 42:22

He phopi deikua he cha, Hrao hapa phopi châ ei ta; Ama hmo ama la hapa phopi ama châ. Ama zydua ta khaohtlô liata pathla ei ta, Patâhna o liata ama nyu. Pachhatuh a hnei leipa hraona sôh lâta a lie ei ta, “Pie pakhua ha teh u,” a tah awpa a hnei leipa Parupa sôh lâta amâ lie haw.

MIKÂ 7:17

Parih hawhta dohlei palie aw ei ta, Alei liata âlyhpasazy hawhta dohlei ama palie aw. A chalyuna chôta ama thokhyzy tawhta amâ vy aw; Thlazohpa ta Abeipa eima Khazohpa lâ a heih aw ei ta, Nâ cha ama cha chi ngaita aw.

HEBRAI 11:38

Chazy châta la, khizaw he yna tlâh châ vei. Râhchawhpa liatazy, tlâh liatazy, lôpu nata khaohtlô liatazy viavipa ta ama y.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.

RYUREITUHPAZY 6:2

Midia cha Izarei hlâta a thatlô via ta, Midia vâna chata Izarei sawzy cha tlâh liata khaohtlôzy, lôpuzy nata thokhyzy a tao ei ta.

1 SAMUELA 13:6

Izarei pheisaihzy cha chadiepa ta y ei ta, ama duahmo a pha leizie ama hmô nahta, lôpu liata zy, apopa liata zy, lôpanô liata zy, khaohtlô liata zy, tipâh ruapa liata zy a nyu ei ta.