BIEPHUAH 6:13 - Mara Bible RV (BSI)

¹³ Avâ liata awhsizy chhao, theiku kô thlihpi ta chanaoh ta, a thei heipazy a zôpa hawhta, alei lâ za tla ei ta.

BIEPHUAH 6:13 ပူးပေါင်းရင်းမြစ်များ

ZAWBÂ 15:33

Kre zôh hawhta a kre thei heipa chatho pathlah aw ta, Ôli kô hawhta a paw a chakhyh aw.

ISAI 13:10

Vâ awhsizy ta ama khaihna papua leipa aw ei ta, Awhsi hlaozy ta ama khaihna papua aw veih ei; Noh a vaw chhipa nahta thlai pazohsapa châ aw ta, Thlâpâ chhao a khaihna papua khao aw vei.

ISAI 33:9

Râh cha mâchhiesapa ta panao ta, Lebanaw cha nohzaopa ta a uah lymâ. Saraw bypi cha râhchawhpa lyu ta, Bâsanâ nata Kâmel chhao ama hnazy a zô khai haw.

ISAI 34:4

Avâ liata a ypa zydua thuzao khai aw ei ta, Avâ khi châbu chatypa hawhta chatypa a châ aw; Kre zôh tawhta kre hna zôpa hawhta, Avâ liata a ypa zydua khi tla aw ei ta; Theiku kô tawhta theiku hna zôpa hawhta, Avâ liata a ypa zydua ama tla aw.

ISAI 7:2

Aramia ta Epharai nata azaona a taopa kyh Dâvi pathlazy ama chho nahta, Ahâza nata a chyhsazy palôh cha lyurâhpa thokôzy thlih ta a chalyupa hawhta a chalyu ta.

EZEKIA 32:7

Ei cha pamua tita, Avâzy khu aw na ta, Ama awhsizy ei pazohsa aw; Noh cha meihdo ta pahlisa aw na ta, Thlâpâ ta a khaihna papua khao aw vei.

DÂNIAH 4:14

A paro ngaitapa ta hetana heta awh ta, ‘Thokô kha thlu la, a chiahzy thlâ la, a hnazy pahrie la, a theizy hiepatla khai teh. A ry tawhta râhsazy pai ei sala, a chiah tawhta pavawzy a zaw khai mawh ei sy.

DÂNIAH 8:10

Avâ liata a ypazy tlôna taihta seih ta, avâ liata a ypa thokha nata awhsi thokhazy cha alei lâ za thy ta, âmo cha tlypâ ta.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

NÂHU 3:12

Na thokhyzy cha theiku kô hawhta châ ei ta, Theiku kô hmoh tuapa hawhta ama châ. Chalyupa ama châ khiahta cha, Nietuhpa pakah lâ ama zô tyh.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

MÂKA 13:25

avâ tawhta awhsizy za tla aw ei ta, avâ hmotaotheinazy cha chalyupa a châ aw.

LUKA 21:25

“Cha daihti liata, noh nata thlâpâ nata awhsizy liata ngiana y aw ta, tilaipi a aohpa nata tichatlaopazy pyu vâta, khizaw liata phopizy nôpopa nata pachârôhpa ta ama y aw.

BIEPHUAH 9:1

Chatawhcha vâlyuhchâpa papangawhna ta a chiahmie vaw tô ta, awhsi avâ tawhta alei lâ a tlapa hmô na ta, leichiepa khaohtlô pahyna châhbi a hnohta piepa châ ta.