BIEPHUAH 6:12 - Mara Bible RV (BSI)

¹² Chahnaona miacharuna a pathlâ nahta, kaw moh na ta, alo thata a vaw sih ta. Noh cha latho poh hawhta vaw vyh ta, thlâpâ chhao thisaih hawhta saih khai ha ta.

BIEPHUAH 6:12 ပူးပေါင်းရင်းမြစ်များ

ISAI 24:23

Pheisaihzy Abeipa ta Zaio Tlâh nata Zerusale liata ryureih ta, A machâzy hmiakô liata A rônahna chaluahpa a châ tita; Thlâpâ khi hmiachhiepa ta y aw ta, Noh chhao nohzaopa ta a y aw.

ISAI 29:6

Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 34:4

Avâ liata a ypa zydua thuzao khai aw ei ta, Avâ khi châbu chatypa hawhta chatypa a châ aw; Kre zôh tawhta kre hna zôpa hawhta, Avâ liata a ypa zydua khi tla aw ei ta; Theiku kô tawhta theiku hna zôpa hawhta, Avâ liata a ypa zydua ama tla aw.

ISAI 50:3

Avâzy khi zohna ta tobi ei na ta, Amâ bu awpa ta latho poh ei tao.”

ZÔELA 2:10

Ama hmiakô liata alei a sih ta, Avâzy â chalyu. Noh nata thlâpâ zoh ei ta, Awhsizy khaih khao vei.

ZÔELA 3:15

Noh nata thlâpâ zy zoh ei ta, Awhsizy khaih khao veih ei.

AMÔSÂ 1:1

He biezy he Zudâh bei Uzia â bei no nata Zôasâ sawchapaw Zerôbaw Izarei liata â beina daihti, alosih hlâ kô nona liata, Tekô khih liata mietaku vaituhpazy hry liatapa Amôsâ ta Izarei kyh a hmôpazy a châ.

AMÔSÂ 8:9

“Cha noh liata cha, Nohchhô ta noh patlasa aw na ta, Noh y liah ta alei ei pazohsa aw.

ZEKARIA 14:5

Tlâhpi saikaozy cha Aze taih a tlôpa vâta, ei tlâhpizy saikao lâ a râ aw ei chi ta, Zudâh bei Uzia â bei nota alosihpa vâta namâ râpaipa hawhna khata namâ râ aw. Chatawhcha Abeipa ei Khazohpa cha a vy aw ta, a mopathaihpa zydua chhao ano hnohta amâ vy aw.

MATHAI 11:21

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

MATHAI 24:7

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata chakâhnazy tlô aw ta, alozy â sih aw.

MATHAI 27:45

Nohchhô dawh hrawh hleino tawhta zâlâ dawh thôh taih alei chô zydua vaw zoh kaluh ha ta.

MATHAI 27:54

Pheisaih za kha hyutuhpa nata a hnohta Zisu vaituhpazy ta, alo a sihpa nata hmo a ypazy cha ama hmô nahta, chi ngaita ei ta, “Hmeiseihta ta, he he Khazohpa Sawchapawpa a châ tlai na!” tah ei ta.

MATHAI 28:2

Alo thata a vaw sih ta, vârâh tawhta Abeipa vâlyuhchâpa za chô ta, thlâ pamaina lô cha pasie ta, a chô liata a tyuh ta.

MÂKA 15:33

Dawh hrawh hleino a vaw paro nahta, cha daihti tawhta zâlâ dawh thôhpa taihta, alei chô zydua vaw zoh kaluh ha ta.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.

BIEPHUAH 16:18

Dôhlazy vaw patlie ta, aozy vaw pua ta, tôkalôhpazy a vaw thua ta, alo thata a vaw sih ta. Alei liata chyhsa y tua rakha tawhta, cha tlu ta a rupa alosihpa y beih vei. Alosihpa rarôh y ngaipa a châ.

BIEPHUAH 16:8

Vâlyuhchâpa papalihna ta a biebuh cha noh liata patlai ta. Mei ta chyhsazy pakâh awpa ta, noh cha hmotaotheina piepa a châ.

BIEPHUAH 8:12

Vâlyuhchâpa papalihna ta a chiahmie vaw tô ta, noh su thôh su kha, thlâpâ su thôh su kha, awhsizy su thôh su kha paraopa a châ. Ama khaihna su thôh su kha pazohsapa châ ta, chhô daihti su thôh su kha cha khaih khao leipa ta, zâ daihti su thôh su kha chhao khaih khao vei.

BIEPHUAH 8:5

Vâlyuhchâpa ta ropahâhpa raona byh cha la ta, maisâh liata mei ta pabie ta, alei liata thy ta. Chatanachata tôkalôhpazy a vaw thua ta, aozy vaw pua ta, dôhlazy vaw pathlie ta, alozy thata a sih ta.