BIEPHUAH 5:1 - Mara Bible RV (BSI)

¹ Chatawhcha beidyuchhai liata a tyuhpa ku chachâh lâta châ chatypa, a hmia a hnôh ta ropa, chahnaona miasari ta chahnaopa hmô na ta.

BIEPHUAH 5:1 ပူးပေါင်းရင်းမြစ်များ

ISAI 29:11

Chavâta aluahna cha nâmo châta châbu pakuhpa pachawh khâh hapa hawhta a châ haw. Cha cha chyhsazy ta châ a reih thaipa pie ei ta, a hnohta, “He châbu he reih teh,” tah ei ta, ano ta, “Reih thei va na, pakuhpa ta pachawh khâh hapa châbu a châ hih,” tah ta.

ISAI 34:16

Abeipa châbu liata tlua u la, reih teh u: Chazy hry liata pô kha hmahta a ki leipa y leipa aw ta, Kaolâh a hnei leipa pô kha hmah y aw vei. Abeipa pakah ta biepie ha ta, A Thlahpa ta a pahmaoh ha ei.

ISAI 8:16

Bietapa he chaty la, Pachuna bie he, Ei pachupazy hry liata chahnao pa-i mah y.”

DÂNIAH 8:26

Zâlâ nata my aluahna reipazy kha â do. Châhrasala aluahna kha chhiehruh ha teh, noh hluhpi tawhta a vaw y awpa kyh a châ,” tah ta.

ZEKARIA 5:1

Avâ lâ kaw moh heih na ta, châbu chatypa a zaw ngâpa hmô na ta.

BIEPHUAH 10:2

A ku liata châbu chatypa chyhpa cha pahy chiehpa ta chaba ta. A phei chachâh lâ tilaipi chô liata tlypa ta, a chavei lâ alei liata tly ta.

BIEPHUAH 4:3

Beidyuchhai liata a tyuhpa alânazie cha zaspi nata kânelia lôsôhpa hawhta châ ta, beidyuchhai cha meisaku ta chadô ta, â lânazie cha emerâ lôsôhpa hawhta a châ.

BIEPHUAH 4:9

Hmohrohneipazy ta beidyuchhai liata atyuhpa, chhâzaw nata tlyzaw ta a hroh thlâhpa cha parônahsapa ta palyupalih ei ta, alyna bie ama reina maihta,

BIEPHUAH 5:13

Chatawhcha avâ nata alei nata alei ry nata tilaipi liata a ypa hmotaopa to nata ama chhôh liata a ypa zydua ta, “Beidyuchhai liata a tyuhpa nata Mietakutaw hnohta, Reithaina nata palyupalihna zy, Rônahna nata thatlôna zy, Chhâzaw nata tlyzaw ta y mawh sy,” tahpa ta ama reithaipa thei na ta.

BIEPHUAH 5:7

Mietakutaw cha vawh ta, beidyuchhai liata a tyuhpa ku chachâh lâta châbu chatypa cha kei la ta.

BIEPHUAH 6:1

Chatawhcha Mietakutaw ta chahnaona miasari hry liata miakha a pathlâ nota hmô na ta, hmohrohneipa miapalihzy hry liata miakha ta tôkalôhpa a thuapa hawhta, “A vy teh!” a tahpa thei na ta.

BIEPHUAH 6:16

tlâhpizy nata lôpanôzy hnohta, “Miah vi u la, beidyuchhai liata atyuhpa hmiakô tawhta nata Mietakutaw hiehâhna tawhta miah nyu teh u.

BIEPHUAH 8:1

Mietakutaw ta chahnaona miasarina a vaw pathlâ nahta, dawh khophie rachhôh avâ liata a chalihna y ta.