BIEPHUAH 4:9 - Mara Bible RV (BSI)

⁹ Hmohrohneipazy ta beidyuchhai liata atyuhpa, chhâzaw nata tlyzaw ta a hroh thlâhpa cha parônahsapa ta palyupalih ei ta, alyna bie ama reina maihta,

BIEPHUAH 4:9 ပူးပေါင်းရင်းမြစ်များ

HLAZY 47:8

Khazohpa cha râhzy chô liata ryureituhpa châ ta, Khazohpa cha beidyuchhai pathaihpa liata a tyuhpa a châ.

HLAZY 48:14

Ano cha Khazohpa cha châ ta, Chhâzaw nata tlyzaw ta eima Khazohpa a châ; Thina khô lâ taihta miah a chhihtha aw.

PUASAINA 15:18

Abeipa cha tlyzaw ta ryu a reih aw.”

ISAI 6:1

Bei Uzia a thi kô ta, Abeipa cha beidyuchhai a sâhpa nata a chaluahpa liata â tyu thlâh hapa hmô na ta. A poh rônahpa ta Achhyna o pabie khai ha ta.

DÂNIAH 12:7

Chatawhcha pala rih dipa chysia a tobi ta, chavah ti chô liata â pahai thlâh hapa chata, a ku chachâh lâ nata a ku chavei lâ avâ lâ pazawh ta, tlyzaw ta a hrohpa moh reipa ta, “Daihti ei kha, daihtizy nata daihti khophie chhôh a châ aw, mopathaihpazy hmotaotheina paraopa a châ khai tita, he hmo zydua he â ki aw,” tahpa ta bie â taihpa thei na ta.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

RYHPACHANEINA 32:40

Avâ lâ ei ku pazawh na ta, Tlyzaw ta a hrohpa ei châna moh reipa ta, Bie ei taih.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

HEBRAI 7:8

Kyh kha liata cha, chyhsa thi theipazy hnohta su hrawh su kha piepa châ ta, kyh hropa liata deikua cha, hroh thlâhpa a châ tahpa pahnokheipa hnohta su hrawh su kha piepa a châ.

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.

BIEPHUAH 10:6

chhâzaw nata tlyzaw ta a hroh thlâhpa, avâ nata a chhôh liata a ypazy, alei nata a chhôh liata a ypazy, tilaipi nata a chhôh liata a ypazy a paysatuhpa moh reipa ta bie a taih ta, “Bohpi châ khao aw vei.

BIEPHUAH 15:7

Hmohrohneipa miapalihzy hry liata miakha ta vâlyuhchâpa pasarizy hnohta, chhâzaw nata tlyzaw ta hroh thlâhpa Khazohpa hiehâhna ta a biepa ngôh biebuh miasari vaw pie ta.

BIEPHUAH 21:5

Beidyuchhai liata a tyuhpa ta, “Moh tua, hmo to a thiehpa ta ei tao haw,” tah ta. “Roh teh, he biezy he ngâ a chhih ta â do,” tah heih ta.

BIEPHUAH 4:2

Sôkha ta Thlahpa ta vaw y na ta. Vârâh liata beidyuchhai a vaw patyuh ta, cha liata chyhsa pakha a vaw tyuh ta.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

BIEPHUAH 5:1

Chatawhcha beidyuchhai liata a tyuhpa ku chachâh lâta châ chatypa, a hmia a hnôh ta ropa, chahnaona miasari ta chahnaopa hmô na ta.

BIEPHUAH 6:16

tlâhpizy nata lôpanôzy hnohta, “Miah vi u la, beidyuchhai liata atyuhpa hmiakô tawhta nata Mietakutaw hiehâhna tawhta miah nyu teh u.

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.