BIEPHUAH 4:8 - Mara Bible RV (BSI)

⁸ Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

BIEPHUAH 4:8 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

HLAZY 91:1

Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 3:14

Khazohpa ta Mawsi hnohta, “Kei he Zehôvâh ei châ. Izarei sawzy hnohta, ‘Zehôvâh ta nâmo lâ eina vaw tuah,’ na tah aw,” tah ta.

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 62:1

A siana cha khaihna hawhta pua sala, A pachhana meiôh khaihpa hawhta a papua hlâlei cha, Zaio vâta a thlih thlâh ha leipa aw na ta, Zerusale vâta a chalih aw va na.

EZEKIA 1:18

Tiaki tlâhzy cha a sâh ngaitapa nata chichhih ngaitapa châ ei ta, tiaki miapalih tlâhzy cha mokhaohzy ta a padô.

EZEKIA 1:5

Mei hry tawhna chata hmohrohneipa a lyupa miapalih vaw pua ei ta. Amâ lânazie cha he hawhta a châ: Chyhsapa lyu ei ta,

EZEKIA 1:6

châhrasala hmia palih chyu hnei ei ta, mathlaw miapalih chyu ama hnei.

EZEKIA 10:12

Cherubizy cha ama pôhpa zydua, ama kyzy, ama kuzy nata ama mathlawzy mokhaohzy ta bie ei ta, ama tiaki miapalihpazy chhao mokhaohzy ta a bie.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

2 KAWRINI 6:18

Nama paw châ aw na ta, Ei sawchapawzy nata ei sawchanôzy nama châ aw, Abeipa Atotaotheipa ta a tah,” a tahpa hawhna khata.

1 THYSALAWNIKA 2:9

Unawh saih u, eima hriapasazie nata eima rietheizie zy kha namâ thei aw. Khazohpa thâtihpha eima cha chho nona kha, ahy phaohri hmah eima châ lei nawpa ta, chhô nah zâ ta eima hria tyh.

1 TIMAWTHY 4:16

Na hro nata na pachuna biezy a phapa ta vaih mah y. Cha hawhta na tao khiahta cha, nâ nata na bie a theituhpazy na pachha aw ei.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

HEBRAI 13:8

Zisu Krista cha zâhia nata tanoh nata chhâzaw ta a ualua ta a y thlâhpa a châ.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.

BIEPHUAH 11:17

“Hy Abeipa Khazohpa Atotaotheipa, A y haipa nata a y hapa y, Na hmotaotheina rônahpa ta ryureih chi ta, Alyna bie eima cha hlâ.

BIEPHUAH 14:11

Cha chyhsazy pasataona meikhuh cha chhâzaw nata tlyzaw ta pua aw ta, sahrâhpa nata a nothlahpa achhytuhpazy nata a moh ngiana a hneipa maihzy cha, chhô nah zâ ta apahâna rai hnei aw veih ei,” tah ta.

BIEPHUAH 14:3

Beidyuchhai hmiakô nata hmohrohneipa miapalih nata machâzy hmiakô liata hla thiehpa sa ei ta. Alei tawhta chatlaipa chyhsa 144,000 zy dei leipa ta cha, ahy hmahta cha hla cha sa thei veih ei.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 15:7

Hmohrohneipa miapalihzy hry liata miakha ta vâlyuhchâpa pasarizy hnohta, chhâzaw nata tlyzaw ta hroh thlâhpa Khazohpa hiehâhna ta a biepa ngôh biebuh miasari vaw pie ta.

BIEPHUAH 16:14

Chazy cha ahripa thlahpazy châ ei ta, hmonoâhpa a tao tyhpazy ama châ. Khizaw bei zydua lâta sie ei ta, Khazohpa Atotaotheipa noh rônahpa liata adyuhna châta beizy cha ama awpakhy.

BIEPHUAH 16:7

Chatawhcha Maisâh tawhta ao vaw pua ta, “A châ na, Hy Atotaotheipa Abeipa Khazoh, Na pachianazy cha a do ta a sia!” tahpa ta â chhypa thei na ta.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.

BIEPHUAH 19:4

Machâ pakih nata papalih nata hmohrohneipa miapalihzy cha a khu ei ta, “Amen! Haleluia!” tahpa ta, beidyuchhai liata a tyuhpa Khazohpa cha a chhy ei ta.

BIEPHUAH 21:22

Achhyna o deikua khihpi chhôh liata hmô va na, Abeipa Khazohpa Atotaotheipa nata Mietakutaw cha khihpi Achhyna o a châpa vâta.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.

BIEPHUAH 4:4

Beidyuchhai chadôpa ta beidyuchhai hropa miakih nata miapalih y ta, cha liata machâ paki nata papalih poh diehpa a bupa ta a tyuhpa hmô na ta, ama luh liata ngôh lakhozy a kho ei ta.

BIEPHUAH 4:6

Beidyuchhai hmiakô liana cha tilaipi hawhta thlalâ vaw y ta, cha cha dâhaw hawhta a ngyuhpa lôsôhpa a châ. Beidyuchhai chadôpa ta, chavei chachâh, a hmia nata a hnôh ta hmohrohneipa miapalih y ei ta, chazy cha ama hmia nata ama hnôh ta mokhaoh ta a biepazy ama châ.

BIEPHUAH 4:9

Hmohrohneipazy ta beidyuchhai liata atyuhpa, chhâzaw nata tlyzaw ta a hroh thlâhpa cha parônahsapa ta palyupalih ei ta, alyna bie ama reina maihta,

BIEPHUAH 5:6

Chatawhcha beidyuchhai nata hmohrohneipa miapalihzy likawh liata machâzy hry liata Mietakutaw a duahpa hmô na ta, Mietakutaw cha thie chiehpa lyu ta, ki miasari nata mokhaoh miasari a hnei. Mokhaoh miasarizy cha, alei chô zydua liata tuapa Khazohpa Thlahpa pasarizy ama châ.

BIEPHUAH 6:1

Chatawhcha Mietakutaw ta chahnaona miasari hry liata miakha a pathlâ nota hmô na ta, hmohrohneipa miapalihzy hry liata miakha ta tôkalôhpa a thuapa hawhta, “A vy teh!” a tahpa thei na ta.

BIEPHUAH 6:6

Hmohrohneipa miapalihzy hry tawhta ao a lyupa vaw pua ta, “Âtâ sâh saikhua kha mâ cha dinâri tlaw kha châ ta, bâli sâh saikhua thôh mâ cha dinâri tlaw kha a châ. Sathaw nata kresawhti deikua parao khah y!” tahpa ta a reipa thei na ta.

BIEPHUAH 7:11

Vâlyuhchâpa zydua cha beidyuchhai nata machâzy nata hmohrohneipa miapalihzy chadôpa ta a duah ei ta, beidyuchhai hmiakô liata â khu lâta pao ei ta,

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.