BIEPHUAH 4:7 - Mara Bible RV (BSI)

⁷ Hmohrohneipa miakhana cha chakeibarôhneipa hawhta châ ta, a mianona cha viahchaotaw hawhta châ ta, a miathôhna cha chyhsapa hmia phaoh ta, a miapalihna cha pahmôhpi a zaw ngâpa a lyu.

BIEPHUAH 4:7 ပူးပေါင်းရင်းမြစ်များ

ÂTHAONA 49:9

Zudâh cha chakeibarôhneipa taw châ ta, Hy ei sawchapawpa, Sa taipa tawhta a laiseihpa na châ. Zudâh cha a bôh ta, Chakeibarôhneipa hawhta a byu ta, Chakeibarôhneipa panô hawhta â byu tyh; Ahy a pathyu ngâh aw?

2 SAMUELA 1:23

“Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

BIESOZY 28:2

Râh ta hmo a parao nahta, Ryureituhpa hluhpi vaw pua tyh ei ta; Pahnona nata novâhna a hneipa ryureituhpa ry liata deikua cha, Râh â ipa ta bohpi â duah tyh.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

EZEKIA 1:10

Ama papalih ta ama hmia lâ cha chyhsapa hmia phaoh ei ta, ama chachâh lâta chakeibarôhneipa hmia phaoh ei ta, ama chavei lâta viahchao tôhpa hmia phaoh ei ta, ama hnôhky lâta pahmôhpi hmia ama phaoh.

EZEKIA 1:8

Ama kâ miapalihzy liata ama mathlaw ry liata chyhsapa ku ama hnei. Cha papalihpazy chata he hawhpa hmia nata mathlawzy ama hnei:

EZEKIA 10:14

Cherubizy cha hmia miapalih chyu hnei ei ta, hmia khana cha cherubi hmia châ ta, hmia nona cha chyhsapa hmia châ ta, hmia thôhna cha chakeibarôhneipa hmia châ ta, hmia palihna cha pahmôhpi hmia a châ.

EZEKIA 10:21

Ama zydua ta hmia miapalih nata mathlaw miapalih hnei chyu ei ta, ama mathlawzy ry liata chyhsapa ku a lyupa ama hnei chyu.

DÂNIAH 7:4

A miakhana cha chakeibarôhneipa lyu ta, pahmôhpi mathlaw a hnei. Ei mo thlâh ha nota a mathlawzy cha phiapa châ ta, alei tawhta chalopa ta y ta, chyhsapa hawhta a phei miano ta paduasapa châ ta, chyhsapa pathipalôh piepa a châ.

ÔBADIA 1:4

“Pahmôhpi hawhta â sâh pi ta a zawpa ta, Awhsizy hry liata na bu tu hra la, Cha tawhna chata ei châ daophi pathlah aw,” Abeipa ta a tah.

MALUHREINA 23:24

Moh tua, hao phopi huh! Chakeibarôhneipa panô hawhta thyu ta, Chakeibarôhneipa tôhpa hawhta â pathlua huh. A sa taipa a nie hlâlei a byu leipa aw ta, A thiepa thisaih a doh hlâlei a byu aw vei,” tah ta.

MALUHREINA 24:9

Chakeibarôhneipa tôhpa hawhta a byu ta, Chakeibarôhneipa panô hawhta â zia; Ahy a pathyu ngâh aw? Byhnâ châ awpatuhpa cha byhnâ to sala, Chhie châ sapatuhpa cha chhiesapa châ mawh sy,” tah ta.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

RYHPACHANEINA 28:49

“Abeipa ta nâmo châ dyuh awpa ta, khizaw chhâna lâhlapi tawhta phopi miakha pahmôhpi a pathlôpa hawhta vaw tuah aw ta, cha phopi cha a reih nama thei leipa,

BIEPHUAH 4:6

Beidyuchhai hmiakô liana cha tilaipi hawhta thlalâ vaw y ta, cha cha dâhaw hawhta a ngyuhpa lôsôhpa a châ. Beidyuchhai chadôpa ta, chavei chachâh, a hmia nata a hnôh ta hmohrohneipa miapalih y ei ta, chazy cha ama hmia nata ama hnôh ta mokhaoh ta a biepazy ama châ.

BIEPHUAH 6:3

Chahnaona mianona a pathlâpa nahta, hmohrohneipa mianona ta, “A vy teh!” a tahpa thei na ta.

BIEPHUAH 6:5

Chahnaona miathôhna a pathlâpa nahta, hmohrohneipa miathôhna ta, “A vy teh!” a tahpa thei na ta. Kaw moh na ta, arâ vyhpa hmô na ta. A chô liata a kiahpa cha khopathliahna bao kha a chaba ta.

BIEPHUAH 6:7

Chahnaona miapalihna a pathlâpa nahta, hmohrohneipa miapalihna ao ta, “A vy teh!” a tahpa thei na ta.