BIEPHUAH 4:6 - Mara Bible RV (BSI)

⁶ Beidyuchhai hmiakô liana cha tilaipi hawhta thlalâ vaw y ta, cha cha dâhaw hawhta a ngyuhpa lôsôhpa a châ. Beidyuchhai chadôpa ta, chavei chachâh, a hmia nata a hnôh ta hmohrohneipa miapalih y ei ta, chazy cha ama hmia nata ama hnôh ta mokhaoh ta a biepazy ama châ.

BIEPHUAH 4:6 ပူးပေါင်းရင်းမြစ်များ

1 ABEIZY 7:23

Chatawhcha dawh tipâh ahlôpa lai ngaitapa tao ta. A chhôh dy hrawh tla ta, dy pangawh a sâh ta, dy sythôh ahlôpa a châ.

ZAWBÂ 28:17

Ngôh nata thlalâ ta a tlu leipa ta, Ngôh suapa atobinazy nata ri theipa châ vei.

PUASAINA 38:8

Ahmaohna poh o chhikao liata chakaotuhpa chanôzy thlalâ hmâpa ta rahô nata a patyuna dawh ta tao ta.

EZEKIA 10:12

Cherubizy cha ama pôhpa zydua, ama kyzy, ama kuzy nata ama mathlawzy mokhaohzy ta bie ei ta, ama tiaki miapalihpazy chhao mokhaohzy ta a bie.

EZEKIA 10:14

Cherubizy cha hmia miapalih chyu hnei ei ta, hmia khana cha cherubi hmia châ ta, hmia nona cha chyhsapa hmia châ ta, hmia thôhna cha chakeibarôhneipa hmia châ ta, hmia palihna cha pahmôhpi hmia a châ.

BIEPHUAH 14:3

Beidyuchhai hmiakô nata hmohrohneipa miapalih nata machâzy hmiakô liata hla thiehpa sa ei ta. Alei tawhta chatlaipa chyhsa 144,000 zy dei leipa ta cha, ahy hmahta cha hla cha sa thei veih ei.

BIEPHUAH 15:2

Chatawhcha thlalâ tilaipi, mei nata a pahlaopa hmô na ta. Sahrâhpa nata a nothlahpa nata a moh nuby a pahnietuhpazy cha, Khazohpa totâzy chabapa ta thlalâ tilaipi kiah liata a duah ei ta.

BIEPHUAH 15:7

Hmohrohneipa miapalihzy hry liata miakha ta vâlyuhchâpa pasarizy hnohta, chhâzaw nata tlyzaw ta hroh thlâhpa Khazohpa hiehâhna ta a biepa ngôh biebuh miasari vaw pie ta.

BIEPHUAH 19:4

Machâ pakih nata papalih nata hmohrohneipa miapalihzy cha a khu ei ta, “Amen! Haleluia!” tahpa ta, beidyuchhai liata a tyuhpa Khazohpa cha a chhy ei ta.

BIEPHUAH 21:11

Khazohpa rônahna hnei ta, a khaihnazie cha lôsôh ngaitapa zaspi lô hawhta châ ta, lôsôhpa pasohpa hawhta patliepa a châ.

BIEPHUAH 21:18

A thokhy cha zaspi lô ta dôhpa châ ta, khihpi cha thlalâ pasohpa hawhta ngôh suapa ta taopa a châ.

BIEPHUAH 21:21

Chhikao miahrawh hleino cha taikulô miahrawh hleino ta taopa châ ta, chhikao to cha taikulô miakha hmâpa ta taopa a châ. Khihpi lâlai cha ngôh suapa ta taopa châ ta, thlalâ mopahlie theipa hawhta a châ.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

BIEPHUAH 4:4

Beidyuchhai chadôpa ta beidyuchhai hropa miakih nata miapalih y ta, cha liata machâ paki nata papalih poh diehpa a bupa ta a tyuhpa hmô na ta, ama luh liata ngôh lakhozy a kho ei ta.

BIEPHUAH 5:11

Chatawhcha kaw moh na ta, beidyuchhai nata hmohrohneipazy nata machâzy chheipâh liata vâlyuhchâpa hluhpi ao thei na ta, ama hluhzie cha thysâh hluhpi ama châ.

BIEPHUAH 5:14

Hmohrohneipa miapalihzy ta, “Amen!” tah ei ta, machâzy cha a khu ei ta, Mietakutaw cha a chhy ei ta.

BIEPHUAH 5:6

Chatawhcha beidyuchhai nata hmohrohneipa miapalihzy likawh liata machâzy hry liata Mietakutaw a duahpa hmô na ta, Mietakutaw cha thie chiehpa lyu ta, ki miasari nata mokhaoh miasari a hnei. Mokhaoh miasarizy cha, alei chô zydua liata tuapa Khazohpa Thlahpa pasarizy ama châ.

BIEPHUAH 5:8

Châbu chatypa a lapa nahta, hmohrohneipa miapalih nata machâ pakih nata papalihzy cha, totâ nata ngôh ropahâhpa ta a biepa ngôh biebuh a chaba chyupa ta, Mietakutaw hmiakô liata pao ei ta. Cha ropahâhpazy cha mopathaihpazy thlahchhâna a châ.

BIEPHUAH 6:1

Chatawhcha Mietakutaw ta chahnaona miasari hry liata miakha a pathlâ nota hmô na ta, hmohrohneipa miapalihzy hry liata miakha ta tôkalôhpa a thuapa hawhta, “A vy teh!” a tahpa thei na ta.

BIEPHUAH 6:6

Hmohrohneipa miapalihzy hry tawhta ao a lyupa vaw pua ta, “Âtâ sâh saikhua kha mâ cha dinâri tlaw kha châ ta, bâli sâh saikhua thôh mâ cha dinâri tlaw kha a châ. Sathaw nata kresawhti deikua parao khah y!” tahpa ta a reipa thei na ta.

BIEPHUAH 7:11

Vâlyuhchâpa zydua cha beidyuchhai nata machâzy nata hmohrohneipa miapalihzy chadôpa ta a duah ei ta, beidyuchhai hmiakô liata â khu lâta pao ei ta,

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.