BIEPHUAH 4:5 - Mara Bible RV (BSI)

⁵ Beidyuchhai tawhna chata dôhlazy, aozy nata tôkalôhpa a thuapa pyuzy vaw pua hôlô ta. Beidyuchhai hmiakô liana cha meirei iapa miasari y ta, chazy cha Khazohpa thlahpa pasarizy ama châ.

BIEPHUAH 4:5 ပူးပေါင်းရင်းမြစ်များ

ÂTHAONA 15:7

Chatawhcha a hnohta, “Kei he, nama pahrâ nawpa ta, he râh he cha pie awpa ta Kaldia râh Ur khihpi tawhta châ chhi papuatuhpa Abeipa kha ei châ,” tah ta.

2 THÂTIHZYRONA 4:20

a taonazie raopa hawhta taopa Achhyna o chhôh supathaihpa hmiakô liata pakhaih awpa ta ngôh suapa ta taopa meiôh patyuna nata a meiôhzy;

HLAZY 68:35

Hy Khazohpa, na supathaihpa liata chizapa châ chi ta, A phopi hnohta hmotaotheina nata thatlôna a piepa, Izarei Khazohpa na châ. Khazohpa cha reithaipa ta y mawh sy!

PUASAINA 19:16

A noh thôhna noh my ta tôkalôh a vaw thua ta, dôhlazy vaw pathlie ta, tlâh chô liata meihdo chhakaluhpa a vaw chhoh ta, chiahmie paro ngaitapa vaw paro ta, riehmo liata a ypa chyhsa zydua cha a chalyu ei ta.

PUASAINA 20:18

Chyhsa zydua ta tôkalôhpa, dôhla, chiahmie pyu nata tlâh liata meikhuh zy cha ama hmô nahta, chipa ta a chalyu ei ta, lâhlapi liata a duah ei ta.

PUASAINA 25:37

Meiôh miasari tao aw chi ta, meiôh tôh liata soh aw chi ta, chatanachata a dady suzy a pakhaih aw.

PUASAINA 37:23

Meiôh miasari tao ta, a chaikiezy nata meipaoh sonazy ngôh suapa ta tao ta.

EZEKIA 1:13

Amâ lânazie kyh liata, hmohrohneipazy cha lôiatheipa a kâ ngâpa tlyma, meirei tlyma ama lyu. Mei cha hmohrohneipazy hry liata vawh heih a vy heih tahpa ta y ta, mei cha khaih ngaita ta, mei tawhna chata dôhla a pathlie lymâ.

ZÔELA 3:16

“Abeipa cha Zaio tawhta a rôhpa ta, Zerusale tawhta ao papua ta, Alei nata avâ amâ chalyu. Châhrasala Abeipa cha, A phopi châta amâ chhaina châ ta; Izarei sawzy châta ama thokhy a châ.”

ZEKARIA 4:2

“Khâpa ma na hmô?” na tah ta. Kei ta, “Ngôh suapa ta taopa meiôh tôh, a pawhmao liata a beikoh y ta, beikoh tawhta pâthao miasari kaw pua ta, cha chô liata meiôh miasari a ypa hmô na ta,

MATHAI 25:1

“Cha noh liata, vârâh khinarâh cha laihsakôpa pahrawh, ama meiôh a cheipa ta myuhneituhpa dy awpa ta a puapazy hawhta a châ aw.

MATHAI 3:11

“Kei ta rona châta ti ta cha bâti ei na ta, ei hnôhlâ ta a vy awpa deikua cha, keima hlâta rônah viapa châ ta, kei la a pheiky chaba tlâh chhao châ va na. Ano ta Thlahpa Pathaihpa nata mei ta a cha bâti aw ei.

HMOTAOPAZY 2:3

Meipaleih hawhta paleihzy a pachhaih pazâhpa ta ama hnohta a vaw luah ta, ama zydua chô liata a choh ta.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

BIEPHUAH 10:3

Chakeibarôhneipa a rôhpa hawhta ao paro ngaitapa ta awh ta, a awh khai nahta, tôkalôhpa miasari a vaw thua ta.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 3:1

“Sadisâ Awnanopa vâlyuhchâpa hnohta hetana heta roh teh: ‘Khazohpa Thlahpa pasari nata awhsi miasari a hneipa khata he biezy he a reih. “‘Na hmotaopazy ei pahno. Ahrohpa moh phaoh chi ta, châhrasala athipa na châ.

BIEPHUAH 5:6

Chatawhcha beidyuchhai nata hmohrohneipa miapalihzy likawh liata machâzy hry liata Mietakutaw a duahpa hmô na ta, Mietakutaw cha thie chiehpa lyu ta, ki miasari nata mokhaoh miasari a hnei. Mokhaoh miasarizy cha, alei chô zydua liata tuapa Khazohpa Thlahpa pasarizy ama châ.

BIEPHUAH 8:5

Vâlyuhchâpa ta ropahâhpa raona byh cha la ta, maisâh liata mei ta pabie ta, alei liata thy ta. Chatanachata tôkalôhpazy a vaw thua ta, aozy vaw pua ta, dôhlazy vaw pathlie ta, alozy thata a sih ta.