BIEPHUAH 4:4 - Mara Bible RV (BSI)

⁴ Beidyuchhai chadôpa ta beidyuchhai hropa miakih nata miapalih y ta, cha liata machâ paki nata papalih poh diehpa a bupa ta a tyuhpa hmô na ta, ama luh liata ngôh lakhozy a kho ei ta.

BIEPHUAH 4:4 ပူးပေါင်းရင်းမြစ်များ

ESTHERI 8:15

Môdekai cha abei poh nohsaihpa nata diehpa a bupa ta, ngôh beilakho rônahpa nata poh rih dipa viahkao pasipa saihdôhpa a kypa ta, abei o tawhta pua ta. Susâ khihpi cha thata awh ei ta, a ly ngaita ei ta.

HLAZY 21:3

Byhnâ hluhpi ta ano cha dy chi ta, A luh liata ngôh suapa lakho na pakho.

MATHAI 19:28

Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.

LUKA 22:30

Chatanachata ei khinarâh liata ei tlâhkhai liata niepa ta doh hra aw ei chi ta, beidyuchhai liata a tyuhpa ta Izarei pho hrawh hleinozy chô liata ryu nama reih aw.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

BIEPHUAH 11:16

Chatawhcha Khazohpa hmiakô ta ama beidyuchhai chyu liata a tyuhpa machâ pakih nata papalihzy cha â khu lâta pao ei ta, Khazohpa a chhy ei ta,

BIEPHUAH 14:3

Beidyuchhai hmiakô nata hmohrohneipa miapalih nata machâzy hmiakô liata hla thiehpa sa ei ta. Alei tawhta chatlaipa chyhsa 144,000 zy dei leipa ta cha, ahy hmahta cha hla cha sa thei veih ei.

BIEPHUAH 19:14

Vâ pheisaihzy ta poh rih dipa diehpa nata pathaihpa a bupa ta arâ râhpa a kiahpa cha pazi ei ta.

BIEPHUAH 19:4

Machâ pakih nata papalih nata hmohrohneipa miapalihzy cha a khu ei ta, “Amen! Haleluia!” tahpa ta, beidyuchhai liata a tyuhpa Khazohpa cha a chhy ei ta.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.

BIEPHUAH 3:18

Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.

BIEPHUAH 4:10

machâ pakih nata papalihzy cha beidyuchhai liata a tyuhpa hmiakô liata a bôh ei ta, chhâzaw nata tlyzaw ta a hroh thlâhpa cha amâ chhy tyh. Beidyuchhai hmiakô liata ama lakhozy soh ei ta,

BIEPHUAH 4:6

Beidyuchhai hmiakô liana cha tilaipi hawhta thlalâ vaw y ta, cha cha dâhaw hawhta a ngyuhpa lôsôhpa a châ. Beidyuchhai chadôpa ta, chavei chachâh, a hmia nata a hnôh ta hmohrohneipa miapalih y ei ta, chazy cha ama hmia nata ama hnôh ta mokhaoh ta a biepazy ama châ.

BIEPHUAH 5:11

Chatawhcha kaw moh na ta, beidyuchhai nata hmohrohneipazy nata machâzy chheipâh liata vâlyuhchâpa hluhpi ao thei na ta, ama hluhzie cha thysâh hluhpi ama châ.

BIEPHUAH 5:14

Hmohrohneipa miapalihzy ta, “Amen!” tah ei ta, machâzy cha a khu ei ta, Mietakutaw cha a chhy ei ta.

BIEPHUAH 5:6

Chatawhcha beidyuchhai nata hmohrohneipa miapalihzy likawh liata machâzy hry liata Mietakutaw a duahpa hmô na ta, Mietakutaw cha thie chiehpa lyu ta, ki miasari nata mokhaoh miasari a hnei. Mokhaoh miasarizy cha, alei chô zydua liata tuapa Khazohpa Thlahpa pasarizy ama châ.

BIEPHUAH 5:8

Châbu chatypa a lapa nahta, hmohrohneipa miapalih nata machâ pakih nata papalihzy cha, totâ nata ngôh ropahâhpa ta a biepa ngôh biebuh a chaba chyupa ta, Mietakutaw hmiakô liata pao ei ta. Cha ropahâhpazy cha mopathaihpazy thlahchhâna a châ.

BIEPHUAH 6:11

Ama hnohta poh diehpa pie chyu ei ta, ama chakaolâhpazy nata ama unawhzy âmo hawhta thie khaipa ama châ hlâlei, bohpi leipa chhôh a pahâ chy awpa ta chhopa ama châ.

BIEPHUAH 7:11

Vâlyuhchâpa zydua cha beidyuchhai nata machâzy nata hmohrohneipa miapalihzy chadôpa ta a duah ei ta, beidyuchhai hmiakô liata â khu lâta pao ei ta,

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.

BIEPHUAH 9:7

Khawsuzy alânazie cha adyuhna châta pachhuahpanohpa arâzy hawhta ama châ. Ama luhzy liata ngôh lakho lyupa a kho ei ta, ama hmia cha chyhsapa hmia a lyu.