BIEPHUAH 4:11 - Mara Bible RV (BSI)

¹¹ “Hy Eima Beipa nata Khazohpa, Nâ cha rônahna zy, palyupalihna zy, hmotaotheina zy A to tlâh na châ na; Hmo to tao chi ta, Na bie hawhta vaw y ei ta, Na bie hawhta paysapa ama châ,” tahpa ta chhâzaw nata tlyzaw ta a hroh thlâhpa cha amâ chhy.

BIEPHUAH 4:11 ပူးပေါင်းရင်းမြစ်များ

ÂTHAONA 1:1

Âthaona liata Khazohpa ta alei nata avâ tao ta.

2 SAMUELA 22:4

Reithai tlâh Abeipa cha pado na ta, Ei chariahpazy tawhta pachhapa ta ei y.

NEHEMIAH 9:5

Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

ZAWBÂ 36:3

Ei pahnona he lâhlapi tawhta ei lapa châ ta, Nâ Taotuhpa cha siana ei patosa aw.

HLAZY 18:3

Reithai tlâh Abeipa cha pado na ta, Ei chariahpazy tawhta pachhapa ta ei y.

HLAZY 68:34

Khazohpa cha hmotaotheina patosa teh u; A rônahna Izarei chô liata y ta, A thatlôna avâ liata a ypa a châ.

PUASAINA 20:11

Noh charu chhôh ta Abeipa ta avâ nata alei, tilaipi nata a chhôh liata a ypa zydua tao ta, noh sarina noh cha â pahâpa vâta, Abeipa ta Pahânoh cha byhnâ pie ta a pathaisa.

BIESOZY 16:4

Abeipa ta hmo to a chhâpa hneipa ta tao ta, Moleipa chhao he chhiena noh châta a taopa a châ.

ISAI 40:26

Avâ lâ nama mo khaih u la moh tua u, Khizy khi ahy taopa ma a châ tly? Ano cha avâ liata a ypazy khi miakha miakha ta paysa ta, Ama moh chyu ta a awtuhpa a châ. A thatlôna rônahpa nata a hmotaotheina thatlôna vâta, Miakha hmah a ki leipa y veih ei.

ISAI 40:28

Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

ZEREMIAH 10:11

Chavâta ama hnohta hetana heta reih teh: “Alei nata avâ taotuhpa a châ leipa khazohzy cha, alei tawhta leidia awh ei ta, avâ ry tawhta ama lei khai aw.”

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

HMOTAOPAZY 17:24

Khizaw nata a chhôh liata hmo a ypa zydua a taotuhpa Khazohpa cha, alei nata avâ Beipa a châpa vâta, ku ta sapa achhyna ozy liata pahrâ vei.

RAWMA 11:36

Ano tawhta, Ano vâta, Ano châta, Hmo to a ypa a châ. A hnohta chhâzaw ta rônahna y mawh sy! Amen.

EPHESI 3:9

Khazohpa ato taotuhpa hnohta nyu kôzawpa bienyupa achhuahna cha palâsa awpa ta, cha ngiachhiena cha piepa ei châ hra.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

HEBRAI 1:10

“Hy Abeipa, nâ cha Âthaona liata leilô abôna a bôtuhpa châ chi ta, Avâzy khi na kuzô a châ.

HEBRAI 1:2

he noh hnôhchaipazy lia deikua cha, a Sawchapawpa hmâpa ta eima hnohta bie a reih. A Sawchapawpa cha ato ryutotuhpa ta rao ta, ano hmâpa ta khizaw he a tao.

BIEPHUAH 1:6

khinarâh ta miah padua ta, a Khazohpa nata a Paw lâta theihthaipa ta miah taotuhpa Zisu Krista hnohta, ano hnohna tlai chata rônahna nata biehneina chhâzaw nata tlyzaw ta y mawh sy! Amen.

BIEPHUAH 10:6

chhâzaw nata tlyzaw ta a hroh thlâhpa, avâ nata a chhôh liata a ypazy, alei nata a chhôh liata a ypazy, tilaipi nata a chhôh liata a ypazy a paysatuhpa moh reipa ta bie a taih ta, “Bohpi châ khao aw vei.

BIEPHUAH 14:7

Ano chata ao paro ngaitapa ta, “Khazohpa chi u la, ano cha palyupalih teh u, a pachiana daihti a vaw tlô haw. Avâ nata alei, tilaipi nata tihnawh a taotuhpa cha a chhy teh u,” tah ta.

BIEPHUAH 19:1

Cha khai tawhta vârâh liata zawpi hluhpi ao paro ngaitapa a lyupa thei na ta, ao chata, “Haleluia! Pachhana zy, rônahna zy, hmotaotheina zy cha, Eima Khazohpa eih a châ.

BIEPHUAH 5:12

Chazy chata ao paro ngaitapa ta, “Mietakutaw thie chiehpa cha, Hmotaotheina nata hneirôna zy, Sona nata thatlôna zy, Palyupalihna nata rônahna zy, A to tlâh châ ta, Reithaina a to tlâh chhao a châ!” tahpa ta reithai ei ta.

BIEPHUAH 5:2

Vâlyuhchâpa thatlôpa ta ao paro ngaitapa ta, “Châ chatypa he pahy ta a chahnaonazy a pathlâ tlâhpa ahy ma a y?” tahpa ta tlâh a awpa hmô na ta.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.