BIEPHUAH 4:1 - Mara Bible RV (BSI)

¹ Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.

BIEPHUAH 4:1 ပူးပေါင်းရင်းမြစ်များ

PUASAINA 1:1

Hezy he Zakaw hnohta Izi râh lâ ama chhôhkha chhaota a siepa Izarei sawchapawzy moh a châ.

PUASAINA 19:24

Abeipa ta a hnohta, “Zu la, na hnohta Arawna a kaw chhi la, a khy heih mah y. Theihthaipazy nata zawpizy deikua cha, Abeipa lâ a vy awpa ta ama vaw chatôh pathlah awpa châ vei. Chataleipatala Abeipa ta âmo a chatôh pathlah pathlei aw ei,” tah ta.

PUASAINA 24:12

Abeipa ta Mawsi hnohta, “Tlâh lâ a khy la, cha liata na vaw hâ mah y. Chatanachata zawpizy na pachu awpa lôphiapa liata ryhpa nata biepiepa ei ropazy ei cha pie aw,” tah ta.

BIESOZY 25:7

Nôpawpazy mohmô ta â hnai lâ patyusapa hlâta, “He lâ a khy teh,” ama cha tahpa a pha via.

EZEKIA 1:1

Kô sythôhna, thla palihna, noh pangawhna noh liata, seichâna lâ a siepazy hry liata Khebâ chavah kiah liata ei y thlâh ha nota, avâ a vaw pahy ta, Khazohpa aluahnazy hmô na ta.

MATHAI 3:16

Zisu cha bâti a châ khaipa nahta, ti tawhta thlai kaw pua ta, avâ a vaw pahy ta, Khazohpa Thlahpa cha vachhuh hawhta za chô ta, a chô liata â chohpa hmô ta.

MÂKA 1:10

Ti tawhta a kaw puapa nahta, avâ a pahypa hmô ta, Thlahpa cha vachhuh hawhta a chô liata a zâ choh ta.

LUKA 3:21

Chyhsa zydua bâti ama châ khai tawhta, Zisu chhao cha bâti châ hra ta. Thlah a chhâ hai nota, avâ a vaw pahy ta,

ZAWHÂNA 16:13

Biehmeiseihpa Thlahpa a vaw tlô tita, biehmeiseihpa zydua liata a châ chhi aw ei. Ano biehneina ta bie reih leipa aw ta, bie a theipa maih a cha chho aw ei. Hmo a vaw tlô awpazy chhao a cha pahnosa aw ei.

HMOTAOPAZY 10:11

Avâ a vaw pahy ta, poh lai ngaitapa a lyupa, ki palih ta buhpa alei lâ zâ pathliahpa hmô ta.

HMOTAOPAZY 7:56

“Moh teh u, vârâh a pahypa hmô na ta, Chyhsa Sawchapawpa cha Khazohpa chachâh lâta â duapa ei hmô” tah ta.

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,

BIEPHUAH 1:12

Ei hnohta biereituhpa ao cha hmô a chhuahpa ta a kaw heih na ta. Ei kaw heih nahta, ngôh meiôh patyuna miasari hmô na ta.

BIEPHUAH 1:19

Chavâta na hmo hmôpa, hmo a y haipazy nata tahmâ tawhta a vaw y awpazy cha roh teh.

BIEPHUAH 11:12

Chatawhcha ama hnohta, “He lâ a khy teh u,” tahpa ta avâ tawhta ao paro ngaitapa thei ei ta. Meihdo hry liata avâ lâ khy ei ta, ama khakhaipazy ta moh thlâh ha ei ta.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 16:17

Vâlyuhchâpa pasarina ta a biebuh cha aruapa liata patlai ta. Achhyna o liata beidyuchhai tawhta ao paro ngaitapa vaw pua ta, ao chata, “A ngoh haw!” tah ta.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 22:6

Chatawhcha vâlyuhchâpa ta, “He biezy he ngâchhih ta â do. Abeipa, hrohsopazy thlahpa Khazohpa ta hmo thlai a vaw tlô awpazy cha a chakaotuhpazy pahmô awpa ta a vâlyuhchâpa a vaw tuah,” tahpa ta na chho ta.