BIEPHUAH 3:8 - Mara Bible RV (BSI)

⁸ “‘Na hmotaopazy ei pahno. Moh teh, ahy hmahta khaw thei leipa ochhi na hmiakô liata ei pahy. Hmotaotheina chyhta hnei chi ta, chatanachôta ei bie a pyh chi ta, ei moh a paphasai va chi.

BIEPHUAH 3:8 ပူးပေါင်းရင်းမြစ်များ

BIESOZY 30:9

Chataleipatala lôhrâtlôpa ta y aw na ta, “Abeipa cha ahy ma a châ?” tahpa ta, Ei châ paphasai pathlei aw na. Dyhchhiepa ei châ khiahta cha paru aw na ta, Khazohpa moh ei pachhie pathlei aw na.

DÂNIAH 11:34

Ama pao tita baona chyhta hmô aw ei ta, chyhsa hluhpi ta chôpho ta âmo cha amâ pazao aw.

LUKA 12:9

Chyhsa hmiakô liata nâ paphapa deikua cha, Khazohpa vâlyuhchâpazy hmiakô liata ei papha hra aw.

ZAWHÂNA 15:20

‘Chakaotuhpa cha a zibeipa hlâta lai via vei,’ tahpa bie ei cha chhopa ei kha a thei thlâh ha teh u. Kei eina taola khiah ei ta cha, nâmo chhao ama cha taola aw. Ei bie ama zyh khiahta cha, nâmo bie chhao ama zyh aw.

ZAWHÂNA 17:6

“Khizaw tawhta la papua chi ta, kei eina piepazy chi hnohta na moh ei palâhâh haw. Âmo cha nâ eih châ ei ta, nâ ta âmo cha kei na pie chi ta, na bie ama zyh haw.

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

1 KAWRINI 16:9

Chakaona hlaotloh nawpa ta ei châta ochhi kawh ngaitapa â pahy. Dyuhtuhpazy chhao ama hluh ngaita.

2 KAWRINI 2:12

Krista thâtihpha chho awpa ta Tarôsa khih ei vaw tlô nona kha, Abeipa ta ochhi na pahypa ta.

PHILIPI 4:13

Tha nâ patlôtuhpa Krista liata ato ei tao thei.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,

1 TIMAWTHY 5:8

Sanawh a chyh leipa chyhsa, a eih pachaipa ta a chhôhkhazy a chyh leipa chyhsa cha, ngiapâna a paphasaipa châ ta, ngiapâleipa hlâ chhao ta a chhie via.

2 TIMAWTHY 4:7

Adyuhna phapa a dyuh khai ha na ta, ei râpasuana patlô ha na ta, ngiapâna cha ei vao thlâh haw.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

BIEPHUAH 2:13

“‘Na pahrâna, Sâtâ beidyuchhai yna ei pahno. Châhrasala ei moh khâchâ patu chi ta, ei bie pahnotuhpa ei chyhsa ngâchhihpa Antipâ kha, Sâtâ pahrâna liata nama hry liata ama thie nona khata, einâ ngiapâna chi a paphasai va chi.

BIEPHUAH 2:2

“‘Na hmotaopa, na hriapasazie, na tao hualuazie nata chyhsa moleipa na chhyh thai leizie zy ei pahno. Lyuhchâpa châ tlôh leipa ta lyuhchâpa â tahpazy pasia chi ta, a haihpa ama châ tahpa na pahno.

BIEPHUAH 22:7

Abeipa Zisu ta,“Nathlie teh, ei vy patoh aw. He châbu chhôh liata hrohsona biezy a pyhpa cha a nohlao na,” tah ta.

BIEPHUAH 3:1

“Sadisâ Awnanopa vâlyuhchâpa hnohta hetana heta roh teh: ‘Khazohpa Thlahpa pasari nata awhsi miasari a hneipa khata he biezy he a reih. “‘Na hmotaopazy ei pahno. Ahrohpa moh phaoh chi ta, châhrasala athipa na châ.

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.

BIEPHUAH 3:15

“‘Na hmotaopazy ei pahno. Chakua leipa chi ta, sah hra va chi. Na chakua khiah chakua lâlao la, na sah khiah sah lâlao la, na châta a pha awpa tlai!

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.